07:49 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Հրաչուհի Դանիելյանի արտադրած պայուսակը

Զարդերից մինչև շամպուն. հայ գործարար կանայք բացահայտել են իրենց հաջողության գաղտնիքը

© Sputnik / Aram Nersesyan ,
Տնտեսություն
Ստանալ կարճ հղումը
248 0 0

Հայ կին գործարարները պատմել են իրենց հաջողության գաղտնիքի մասին։ Պարզվել է, որ շատ բան պետք չէ` ստեղծարար միտք և տքնաջան աշխատանք։

ԵՐԵՎԱՆ, 26 ապրիլի — Sputnik. Հայ կանայք Կին ձեռներեցների միջազգային համաժողովի շրջանակում Երևանում կազմակերպված ցուցահանդեսում ներկայացրել էին ոսկերչական զարդեր, գործած իրեր, ապակե շրջանակներ, էկոօճառ, կտորից պայուսակներ` հայկական զարդանախշերով, թեյեր, մեղր և բազմաթիվ այլ արտադրանքներ։

Посол США в Армении Линн Трейси у стенда Грачуи Даниелян на выставке продукции женщин - предпринимателей (26 апреля 2019). Еревaн
© Sputnik / Aram Nersesyan ,
Հայաստանում ԱՄՆ դեսպան Լին Թրեյսին Հրաչուհի Դանիելյանի տաղավարի մոտ՝ Կին ձեռներեցների միջազգային համաժողովում

Նրանք խոստովանում են, որ բիզնեսում ոչ մի խտրականություն չեն զգում, հակառակը, հաճախ հայ տղամարդկանց ջենտլմենությունն օգնում է շարունակել ձեռնարկատիրական գործունեությունը։ Որպես ապացույց` նրանք մեջբերում են Հայաստանի վարչապետ Նիկոլ Փաշինյանի ելույթը համաժողովում, որում նա կոչ է արել բոլոր կանանց չվախենալ ձեռնարկատիրական գործունեությունից և «հեծանիվ հորինել»։

«Ունեցե՛ք այդ համարձակությունը, արե՛ք այդ քայլը, և դուք անպայման կհաղթեք: Ձեր հաղթանակի արդյունքում կհաղթի Հայաստանի Հանրապետությունը, հայ ժողովուրդը և ընդհանրապես մարդկությունը», – հայտարարել է նա։

Ոսկերիչ Հեղնար Պետրոսյանը համաձայն է նրա հետ։  Դեռ 10 տարի առաջ նա չի վախեցել և սկսել է չորացրած բնական ծաղիկներով զարդերի արտադրությունը։ Գլխավոր սկզբունքն այն է, որպեսզի յուրաքանչյուր զարդ օրիգինալ և անկրկնելի լինի։ Նրա խոսքով` կնոջ համար կարևոր է, որպեսզի նա ոչ մի տեղ չտեսնեն այնպիսի զարդ, որն արդեն կրում է։

Ювелир Эхнар Петросян на выставке продукции женщин -предпринимателей (26 апреля 2019). Еревaн
© Sputnik / Aram Nersesyan ,
Հեղնար Պետրոսյանի ոսկերչական աշխատանքների տաղավարը՝ Կին ձեռներեցների միջազգային համաժողովում

«Հաճախորդներն իրենք են գտնում ինձ։ Նրանցից շատերի հետ մենք արդեն ընկերացել ենք, և նրանք իմ աշխատանքի գլխավոր գնահատողներն են», – պատմեց Պետրոսյանը։

Արփինե Բարսեղյանը նույնպես մտերիմ է իր գնորդների հետ, չէ որ նրանց հիմնական մասը կանայք են։ Դեռ 2014թ–ին նա սկսել է էկոլոգիապես մաքուր օճառի արտադրություն։ Ի սկզբանե արտադրությունն անհրաժեշտություն է եղել, քանի որ նա մաշկային խնդիրներ է ունեցել, հետո դա վերածվել է հոբբիի, իսկ հիմա` բիզնեսի։ Օճառից բացի նա արդեն արտադրում է շամպուններ, կրեմներ, սկրաբներ, մաշկի խնամքի միջոցներ։

Основатель производства экомыла Арпине Барсегян на выставке продукции женщин - предпринимателей (26 апреля 2019). Еревaн
© Sputnik / Aram Nersesyan ,
Արփինե Բարսեղյանի արտադրած էկոօճառների տաղավարը՝ Կին ձեռներեցների միջազգային համաժողովում

«Ինձ համար շատ կարևոր է տեղի հումքի` հայկական խոտաբույսերի ու յուղերի օգտագործումը», – ասաց Բարսեղյանը։

Բոլոր սեղանիկների մոտ մարդաշատ է։ Հիմնական այցելուները կանայք են։ Նրանք հիմնականում մանրակրկիտ ուսումնասիրում են արտադրանքը, հարցեր տալիս և սակարկում։ Հատկապես շատ են հաճախորդները կտորից պայուսակներով տաղավարի մոտ` զարդարված հայկական զարդանախշերով։ Այդ ապրանքանիշը ներկայացնում է Հրաչուհի Դանիելյանը, թեև դրա տերերը և գաղափարի հեղինակները նրա քույրն ու եղբայրն են։ Նրանք շատ են ճանապարհորդում, և գործնական ու գեղեցիկ պայուսակներ ստեղծելու մտահղացումը ծագել է հերթական ուղևորության ժամանակ։

Участница выставки продукции женщин - предпринимателей Грачуи Даниелян (26 апреля 2019). Еревaн
© Sputnik / Aram Nersesyan ,
Հրաչուհի Դանիելյանի արտադրանքի տաղավարը՝ Կին ձեռներեցների միջազգային համաժողովում

Պայուսակներ, թեյեր տեղի խոտաբույսերից, չրերի տեսականի, երիտասարդ կնոջ օրիգինալ հայելիներ. բոլոր այդ գաղափարները հանկարծակի են ծնվել հաջողակ գործարար կանանց գլխում։ Եվ գրեթե բոլորը խոստովանում են, որ գաղափարների իրականացման համար շատ ջանքեր են պահանջվել։

Ըստ թեմայի

Սուպերպրոֆեսիոնալ հայուհիները, որոնք մեծ հետք են թողել համաշխարհային պատմության մեջ
Իսկական հայ լեդի․ ինչպե՞ս Կարինե Ղուկասյանը գտավ իր յոգուրտների բաղադրատոմսը
Մերսում «տեսնող ձեռքերից». կանայք գոհ են, տղամարդիկ էլ չեն խանդում
Նախագահի կին լինելը հաճելի է, բայց պատասխանատու. խոստովանում է Նունե Սարգսյանը

Գլխավոր թեմաներ