11:03 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Սերգեյ Պրիխոդկո

Մոսկվան ու Երևանն ուզում են համաձայնեցնել գազի մատակարարման սխեման. Պրիխոդկո

© Sputnik / Владимир Астапкович
Տնտեսություն
Ստանալ կարճ հղումը
Հայաստան-Ռուսաստան համագործակցություն (130)
68 0 0

Մինչ 2019 թվականի հուլիսի 1–ը կողմերն անհրաժեշտ պետական խորհրդատվություններ կանցկացնեն նոր համաձայնագիր կնքելու համար։

ԵՐԵՎԱՆ, 29 ապրիլի – Sputnik. Ռուսաստանն ու Հայաստանը պատրաստվում են համաձայնեցնել մինչև 2030 թվականը Հայաստանի գազամատակարարման և գազիֆիկացման գլխավոր սխեմաները։ Ինչպես տեղեկացնում է ՌԻԱ Նովոստին, լրագրողներին այս մասին հայտնել է ՌԴ կառավարության աշխատակազմի ղեկավարի առաջին տեղակալ Սերգեյ Պրիխոդկոն։

«Մեր երկրները շատ մեծ ուշադրություն են դարձնում գազային ոլորտի համագործակցությանը: Մշակման ընթացքում են ինչպես ընթացիկ, այնպես էլ հեռանկարային թեմաները: Օրինակ՝ պայմանավորվածություն կա համաձայնեցնելու մինչև 2030 թվականը Հայաստանի գազամատակարարման և գազիֆիկացման գլխավոր սխեմաները»,- ասել է Պրիխոդկոն:

Նա նաև նշել է, որ մինչև 2019 թվականի հուլիսի 1-ը կողմերը կանցկացնեն անհրաժեշտ ներպետական խորհրդակցություններ՝ ՌԴ-ից Հայաստան բնական գազի մատակարարման գների ձևավորման մասին Ռուսաստանի ու Հայաստանի միջև նոր համաձայնագիր կնքելու համար:

Ապրիլի 4–ին Մոսկվայում միջկառավարական հանձնաժողովի նիստի ժամանակ հայկական կողմը գազի գնի հնգամյա պլանավորում էր առաջարկել։ Մինչև հուլիսի 1–ը կներկայացվի համաձայնագրի նախագիծ, որտեղ ներկայացված կլինեն սահմանին գազի գնագոյացման մեխանիզմները։

Հիշեցնեք` 2019 թվականի հունվարի 1–ից սահմանին Հայաստանը Ռուսաստանից գազը ստանում է հազար խորանարդ մետրի դիմաց 165 դոլար գնով՝ նախկին 150-ի փոխարեն։ Իսկ բնակչության համար սակագինը նույնն է մնացել ընկերության ծախսերի կրճատման հաշվին։ Այս կապակցությամբ «Գազպրոմ Արմենիան» հիմա անձնակազմի կրճատման ու ծախսերի օպտիմալացման հարցեր է քննարկում։ Հակառակ դեպքում սպառողների համար սակագնի պահպանումը կարող է հսկայական պարտքերի հասցնել ընկերությանը։

«Գազպրոմ Արմենիան», որը 100%–ով պատկանում է «Գազպրոմին», գազ է մատակարարում Հայաստանի ներքին շուկային։

թեմա:
Հայաստան-Ռուսաստան համագործակցություն (130)

Ըստ թեմայի

Իրանից գազի տարանցումը Հայաստանին «երկրորդ շնչառություն» կտա. Իսկանդարյան
ՀՀ կառավարությունը գազի գնի վերաբերյալ առաջարկ է ներկայացրել «Գազպրոմ Արմենիային»
Եթե հայ-ռուսական հարաբերությունները փայլուն են, ինչո՞ւ գազը թանկացավ. Շարմազանով
Որքան կպահպանվի գազի գինը, ով է փակելու փոփոխված գնի ճեղքվածքը. փոխվարչապետի պարզաբանումը
թեգերը:
գազի սակագին, Ռուսաստան, Հայաստան

Գլխավոր թեմաներ