23:59 20 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Ծաղկաձորի ճոպանուղին

Ծաղկաձորի ճոպանուղին տարիներ շարունակ թաքցրել է հարկերը

© Sputnik / Асатур Есаянц
Տնտեսություն
Ստանալ կարճ հղումը
79 0 0

ՀՀ գլխավոր դատախազությունը հաղորդագրություն է տարածել, որտեղ տվյալներ է ներկայացրել Ծաղկաձորի ճոպանուղու գործունեությունն ապահովող ազգային օլիմպիական կոմիտեի ու հավատարմագրային կառավարումն իրականացնող ընկերության թույլ տված բացթողումների մասին։

ԵՐԵՎԱՆ, 29 ապրիլի — Sputnik. 2005-17թթ–ի ընթացքում Ծաղկաձորի ճոպանուղին թաքցրել է իրական եկամուտներն ու պետական բյուջե տասնյակ անգամներ քիչ հարկեր վճարել։

Այսպես, ըստ դատախազության ներկայացրած տվյալների, պարզվել է, որ ճոպանուղին շահագործող ընկերությունները 2005-17թթ–ին հարկային մարմիններին 496 մլն ՀՀ դրամի շրջանառություն են ներկայացրել: Մինչդեռ միայն 2018թ. ճոպանուղու շրջանառությունը կազմել է 537 մլն ՀՀ դրամ, այսինքն`շուրջ 40 մլն ՀՀ դրամով ավել, քան նախորդ 12 տարիներին միասին վերցրած:

Բացի այդ ընկերությունը 2005-2017թթ. 12 տարիներին շուրջ 148 մլն ՀՀ դրամ հարկ է վճարել, իսկ միայն 2018թ–ին` 240 մլն դրամ։

Չարաշահումներ են հայտնաբերվել նաև 2005-2018թթ.–ին ճոպանուղու սպառած էլեկտրաէներգիայի ցուցանիշներում։

Այսպիսով` դատախազությունը հաշվարկել է, որ ճոպանուղու թաքցրած  հարկերի հետևանքով պետությանը պատճառվել է շուրջ 476 մլն. 465 հազ. ՀՀ դրամի վնաս։

Դատախազությունը նաև հիշեցնում է, որ ՀԱՕԿ-ի և Ճոպանուղին շահագործող ընկերության միջև 15.12.2008թ. կնքված Ճոպանուղու հավատարմագրային կառավարման պայմանագրի համաձայն Ճոպանուղուց ստացված շահույթի 50 տոկոսը պատկանում է ՀԱՕԿ–ին։

Այս հանգամանքը հաշվի առնելով դատախազությունը նշում է, որ շահույթի իրական չափը թաքցնելու հետևանքով ՀԱՕԿ-ին ևս պակաս գումար է փոխանցվել, որի պատճառով ՀԱՕԿ–ը ևս առանձնապես խոշոր չափերի վնասներ է կրել:

Դատախազությունը հայտնում է, որ բացահայտված փաստերով հարուցվել է քրեական գործ։ Նախաքննությունը հանձնարարվել է ՀՀ պետական եկամուտների կոմիտեի քննչական վարչությանը:

Հիշեցնենք` Ծաղկաձորի ճոպանուղին վերանորոգելու ու վերագործարկելու համար այն կառավարության որոշմամբ հանձնվել էր ՀՀ ԿԱ ֆիզիկական կուլտուրայի և սպորտի պետական կոմիտեին։ Կոմիտեն այն նվիրաբերության պայմանագրով պետության անունից  հանձնել էր Հայաստանի ազգային օլիմպիական կոմիտեին`վերջինի հիմնադրած առևտրային կազմակերպության կողմից մինչև 2005թ. դեկտեմբերի 31-ը Ճոպանուղին վերակառուցելու և շահագործելու պայմանով:

Շինարարությունից հետո 2005թ. մարտի 1-ին կնքված պայմանագրով ՀԱՕԿ-ը Ճոպանուղին հավատարմագրային կառավարման էր հանձնել նույն այդ  ընկերությանը՝ մինչև 2008թ–ը։

Իսկ 2008թ. դեկտեմբերի 15-ին կնքված մեկ այլ պայմանագրով՝ ճոպանուղին 2009թ.-ից մինչ օրս հանձնվել է «Լեռնատուր» ՍՊԸ–ին։ Ի դեպ, նշենք, որ այս ընկերության սեփականատերերից մեկը հենց ՀԱՕԿ–ն է։

Համաձայն, ՀՀ պետական ռեգիստրում հրապարակված տվյալների` 2008թ–ի դեկտեմբերի 3-ին գրանցված ընկերության հիմնադրներն են ՀԱՕԿ–ն ու «Հասպեր Վենչըրս » ընկերությունը։

Ըստ թեմայի

Միջազգային ցուցադրություն Երևանում. Հայաստանը կարող է զբոսաշրջության կենտրոն դառնալ
Արցախցուն կարելի է 1 հարցով նեղացնել. գուդումը՞ս ժենգյալով հացին պատմության առավելությունը
Այս ուտեստները հիացնում են բոլորին. գառան մսից պատրաստվող 6 լավագույն կերակրատեսակ
«Երգող» բաժակն ի՞նչ մեղեդի կհուշի արաբ դիվանագետին. ԱՄԷ նոր դեսպանը Գյումրիում էր
թեգերը:
Հայաստան, ՀՀ դատախազություն

Գլխավոր թեմաներ