08:09 24 մայիսի 2019
Ուղիղ եթեր
  • USD479.98
  • GBP606.50
  • EUR534.46
  • RUB7.42
Հայկական արտադրության անվասայլակներ

Հեծանիվ չեն հորինել, բայց... Հայաստանում սկսել են հաշմանդամների սայլակներ արտադրել

© Sputnik / Aram Gareginyan
Տնտեսություն
Ստանալ կարճ հղումը
72 0 0

Նաև դուրս եկող սեպերով ձեռնափայտեր կարտադրեն, որ տարեց մարդկանց համար ավելի հեշտ լինի մերկասառույցի ժամանակ փողոց դուրս գալ։

ԵՐԵՎԱՆ, 15 մայիսի — Sputnik, Արամ Գարեգինյան. Հայաստանյան արտադրողը սկսել է հիվանդանոցին մահճակալներ ու հաշմանդամի սայլակներ մատակարարել։ Տնտեսվարողը բանակցում է հայաստանյան հիվանդանոցների հետ, բայց հույս ունի նաև ԵԱՏՄ շուկա դուրս գալ։

Դրանք արտադրում է Arides ընկերությունը։ Այն արդեն ավելի քան մեկ տարի է ալկոտեստերներ է հավաքում տեղական շուկայի ու արտահանման համար։ Արտադրության համար օգտագործում են ներկրված մասեր, բայց պլաստմասե որոշ դետալներ տեղում են պատրաստում։ Այժմ այստեղ ոչ միայն պլաստմասսա, այլև մետաղ մշակող հաստոցներ են հայտնվել։

«Մենք իհարկե հեծանիվ չենք հորինել։ Ուսումնասիրել ենք եղած մոդելները։ Բայց միևնույնն է վերջնական կոնստրուկցիան մեր ինժեներներն են հավաքել, բժիշկների հետ խորհրդատվություններից հետո», – Sputnik Արմենիայի հետ զրույցում ասաց ընկերության մենեջեր Աշոտ Մարգարյանը։

Տվյալ պահին ընկերությունը բանակցում է հանրապետության հիվանդանոցների ու պոլիկլինիկաների հետ։

Մի քանի հիվանդանոց արդեն համագործակցելու պատրաստակամություն են հայտնել։ Հաջորդ քայլը կլինի արտահանումը Եվրասիական միության երկրներ։

Մահճակալներից ու հաշմանդամի սայլակներից բացի այստեղ նախատեսում են հենակներ ու ձեռնափայտեր արտադրել։ Մի խմբաքանակ արդեն արտադրել են ուժեղ սառնամանիքի (օրինակ` Ռուսաստանի) համար։ Դրա առանձնահատկությունը հանովի սեպն է, որն օգնում է մերկասառույցի ժամանակ։

«Մեզ մոտ էլ է այդպիսի սառնամանիք լինում, օրինակ` Գյումրիում կամ Սիսիանում։ Բայց միևնույնն է Ռուսաստանում ավելի հաճախ է պատահում։ Իրենց պետք կգա», – ժպտում է Աշոտը։

Ընկերությունում արդեն 40 մարդ է աշխատում, իսկ նոր արտադրության բացվելուց հետո առնվազն այդքան աշխատակից էլ կավելանա։

Ընկերությունն աշխատում է Երևանում «Ալիանս» ազատ առևտրի գոտում։ Այստեղ աշխատող մարդիկ ազատվում են հարկերի մեծ մասից (արտահանվող ապրանքի հարկերից)։

Ըստ թեմայի

Հայաստանում կփոխվի ավտոմեքենաների ներկրման հարկը. ո՞վ կշահի դրանից
Ատոմակայանի «ջերմությունը կիջեցնեն»․ էլ ի՞նչ պետք է փոխեն
Հին ավտո էլ չես գնի. ի՞նչ կփոխվի Հայաստանի ավտոսիրողների համար 2020 թվականից
Ինչո՞ւ են չինացիները հայերեն սովորում, կամ ինչպես ամերիկյան ֆիլմում
Ինչպես բլոկադային Լենինգրադից փրկված Վարվառան իր երջանկությունը գտավ Հայաստանում
Հայոց ցեղասպանությունից փրկված ապագա գնդապետը, որին դեռ հիշում են Լենինգրադում
«Հիշի՛ր, որ տոհմից եմ ես». ինչու է անհնար բնաջնջել Վանի հայերին
թեգերը:
Երևան, հաշմանդամ, Հայաստան

Գլխավոր թեմաներ