01:07 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Ցեմենտ

Կառավարությունը Ծառուկյանի սրտով չգնաց. ներկրվող ցեմենտի տուրքը նվազեցվում է

© Sputnik / Hayk Petrosyan
Տնտեսություն
Ստանալ կարճ հղումը
16310

Կառավարությունն առաջարկում է փոխել առաջին ընթերցմամբ հաստատված պետտուրքի չափը։ Գործադիրն այսպես է արձագանքում ցեմենտի տեղական արտադրողների, մասնավորապես` «Արարատ Ցեմենտի» սեփականատեր Գագիկ Ծառուկյանի բողոքին։

ԵՐԵՎԱՆ, 22 մայիսի — Sputnik. Ցեմենտի 1 տոննայի ներմուծման համար կառավարությունն առաջարկում է սահմանել 14 000 դրամ պետտուրք` նախկինում առաջարկված 22 000 դրամ ի փոխարեն։

Այս մասին այսօր ԱԺ տնտեսական հարցերի մշտական հանձնաժողովի նիստում հայտարարեց Տնտեսական զարգացման և ներդրումների նախարար Տիգրան Խաչատրյանը` ներկայացնելով ցեմենտի շուկայում առաջացած դժգոհություններին կառավարության արձագանքը։

«Երբ մենք սկսել էինք քննարկումները, և կառավարությունը ԱԺ–ին ներկայացրել էր իր հաշվարկը, այն կառուցված էր հիմնականում խոշոր արտադրողի նախորդ տարվա ընթացքում ունեցած արտադրության ինքնարժեքի վրա։ Այն ժամանակ մենք 1 տոննայի հաշվով ունեցել ենք 37 000 դրամի չափով։ Հետագայում, երբ մենք տեղեկություններ ստացանք և՛ արտադրողից, և՛ ՊԵԿ–ից, ստացվեց, որ արտադրական ինքնարժեքը մոտ է 31 000 դրամի»,– ասաց նախարարը։

Այս տվյալներն ուսումնասիրելուց հետո կառավարությունը հաշվարկել է, որ արտադրական ինքնարժեքի ու վաճառքի գների տարբերությունը կազմում է շուրջ 10 տոկոս, և օրենքի նախագծի առաջին ընթերցումից հետո որոշում է կայացրել վերանայել ու նվազեցնել առաջարկվող պետտուրքի չափը։

Տիգրան Խաչատրյանը նշեց, որ օրենքն առաջարկվում է ընդունել հնարավորինս արագ` չվնասելու շինարարության սեզոնի ընթացքին։ Բայց օրենքը գործելու է մինչև 2020թ.–ի ապրիլը, որից հետո կատարած նոր ուսումնասիրությունների հիման վրա կառավարությունը նոր փոփոխությունների առաջարկով հանդես կգա։

Կառավարության նոր առաջարկը, ինչպես և նախկինը «Բարգավաճ Հայաստան» խմբակցության պատգամավորների հավանությանը չարժանացավ։ «Բարգավաճ Հայաստան» խմբակցության պատգամավոր Արթուր Դալլաքյանը կարծիք հայտնեց, որ արտասահմանյան արտադրության կլինկերի ներկրումը մի օր Հայաստանում հանգեցնելու է նրան, որ տեղական արտադրողներ չեն մնալու։

«Ունենք երկու խոշոր արտադրող, որոշել ենք այս երկու խոշոր արտադրողներին ասենք` հըլը փակվեք, շուտ։ Սա նորմա՞լ մոտեցում է։ Սա մոտեցում չէ ընդհանրապես։ Այսօր մտածում ենք, որ արտասահմանից պետք է բերենք ինչ–որ հումք ու ներքին արտադրողին նեղացնենք»,– ասաց Դալլաքյանը։

Հիշեցնենք` վիճահարույց օրինագիծն առաջին ընթերցմամբ ընդունվել էր ՀՀ Ազգային ժողովի ապրիլի 19-ի նիստում։ Կառավարությունն այս նախագծով փորձում է կարգավորել ցեմենտի արտադրության ոլորտը`ցեմենտի մեկ տոննայի ներկրման համար 22 000 դրամ մաքսատուրք սահմանելով, բայց անփոփոխ թողնելով ցեմենտի հումքի` կլինկերի ներկրման մաքսատուրքը։ ԲՀԿ առաջնորդ Գագիկ Ծառուկյանի ընտանիքին պատկանող «Արարատցեմենտ» գործարանի ղեկավարությունը հայտարարեց, որ այդ պայմաններում տեղական հումքով ցեմենտի արտադրությունը ֆինանսապես շահավետ չէ, և որ իրենք այդ դեպքում ստիպված կլինեն փակել տրավերտինից կլինկերի ստացման արտադրամասը, որտեղ այսօր շուրջ 1500 մարդ է աշխատում։

Այս հայտարարությունից հետո գործարանի աշխատակիցները մի քանի օր բողոքի ակցիաներ իրականացրեցին գործարանի հարակից տարածքում` սպառնալով փակել ճանապարհը։

Ըստ թեմայի

Կրքեր հայկական ցեմենտի շուրջ. և՛ շինարարները, և՛ ներկրողները դեմ են Ծառուկյանի տարբերակին
ՀՀ կառավարությունից անվերջ արտոնություններ պահանջել չի կարելի. տնտեսագետը՝ ցեմենտի թեմայով
Պետք է փակել էժան ցեմենտի ներկրման միջանցքը. Հայրենական ապրանք արտադրողների միություն
թեգերը:
ՀՀ կառավարություն, ԱԺ, Բարգավաճ Հայաստան կուսակցություն (ԲՀԿ), Գագիկ Ծառուկյան

Գլխավոր թեմաներ