00:42 27 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Տնտեսություն
Ստանալ կարճ հղումը
15310

Չինացի գործարարները ոգևորված են ՀՀ վարչապետի և ՉԺՀ–ի նախագահի հաջող հանդիպումից։

ԵՐԵՎԱՆ, 23 մայիսի — Sputnik. Չինական ընկերությունը հետաքրքրված է Հայաստանում բազալտե մանրաթելերի արտադրությամբ։ Այս մասին այսօր ՀՀ կառավարության նիստում հայտարարեց քաղաքաշինության կոմիտեի նախագահ Վահագն Վերմիշյանը։

Օրեր առաջ նա հանդիպում է ունեցել TEDA չինական հոլդինգի ներկայացուցիչների հետ, որոնք հայտարարել են արտադրության մեջ մի քանի տասնյակ միլիոն դոլարի ներդրում անելու հնարավորության մասին։

«Նրանք շատ ոգևորված են Չինաստանի ղեկավարության հետ Հայաստանի վարչապետի հանդիպումից և տրամադրված են աշխատելու մեր երկրում», – ավելացրեց Վերմիշյանը։

Նշենք, որ Հայաստանում արդեն նման արտադրություն գործում է, որը ներդրողներ է փնտրում։

Բազալտե մանրաթելը շինարարության համար նախատեսված ջերմամեկուսիչ հեռանկարային նյութ է, որը տարբերվում է իր թեթևությամբ, ամրությամբ և մեկուսացումով: Հայաստանը բազալտի զգալի պաշարներ ունի երկրի տարբեր շրջաններում:

Հիշեցնենք, որ ՀՀ վարչապետ Նիկոլ Փաշինյանը Չինաստան էր այցելել պաշտոնական այցով մայիսի 14-16-ը։ Նա հանդիպում է անցկացրել ՉԺՀ նախագահ Սի Ցզինպինի և վարչապետ Լի Կեցյանի հետ, իսկ մայիսի 15-ին ելույթ ունեցել «Ասիական քաղաքակրթությունների երկխոսություն» համաժողովին։

 

Ըստ թեմայի

Հայաստանի բազմավեկտոր քաղաքականության մեջ որևէ հակասություն չկա. ՀՀ նախագահ
Չինաստանի ղեկավարությունը պատրաստ է շուկան բացել հայկական ապրանքների համար. Փաշինյան
թեգերը:
Ներդրում, Վահագն Վերմիշյան, Նիկոլ Փաշինյան, Չինաստան, Հայաստան

Գլխավոր թեմաներ