19:17 26 հունիսի 2019
Ուղիղ եթեր
  • USD477.33
  • GBP605.45
  • EUR542.20
  • RUB7.56
Դավիթ Անանյան

99.7- ը հավասար է 103.5 -ի. ՊԵԿ նախագահը պատգամավորներին ներկայացրեց իր թվաբանությունը

© Photo / official site of the Prime minister of RA.
Տնտեսություն
Ստանալ կարճ հղումը
5220

ԱԺ–ը քննարկում է Պետական եկամուտների կոմիտեի 2018թ–ի բյուջեի կատարողականը։ ՊԵԿ նախագահը ներկայացրել է անցնող տարվա պետական եկամուտների հավաքագրման ցուցանիշները։

ԵՐԵՎԱՆ, 7 հունիսի — Sputnik. 2018թ.–ի բյուջետային եկամուտների հավաքագրումը կազմել է 99.7 տոկոսով։ Այս մասին այսօր ԱԺ–ում` բյուջեի կատարողականի քննարկման ժամանակ հայտարարեց ՀՀ ՊԵԿ նախագահ Դավիթ Անանյանը։

«Ի՞նչ է իրենից ներկայացնում 99.7 տոկոսը։ Բնականաբար, այն փոքր է 100-ից, հետևաբար տեսականորեն կարող ենք ասել, որ ունենք այսպես ասած` թերհայտարարագրում։ Բայց եթե մենք վերցնենք վերջին 5-6 տարիների շարժը, մենք կտեսնենք, որ 2013թ.–ին եղել է 100 տոկոս։ Բայց 2013թ.–ին էլ պետք է հիշենք, որ ներդրվել է եկամտային հարկի անձնավորված հաշվառման համակարգը, այսինքն` նախկին սոցվճարները և եկամտահարկը միավորվել են, մեկ հարկատեսակ են դարձել: Եվ մեկ այլ կարևոր իրադարձություն 2013-ին` ԶՈւ ծառայողների եկամուտները հարկվել են եկամտահարկով` այսինքն` այն ինչ մենք ունենք այսօր, ներմուծվել է 2013թ.–ին»,– ասաց Անանյանը։

Նա նաև ներկայացրեց հետագա տարիների վիճակագրությունը, ըստ որի` 2013թ.–ին եկամուտները հավաքագրվել են 100 տոկոսով, 2014-ին` 96.7տոկոս, 2015-ին` 93.6 տոկոս, 2016-ին` 92 տոկոս, 2017-ին` 94.7 տոկոս, իսկ 2018-ին` 99.7 տոկոս։ Ընդ որում, մինչև 2018թ.–ին հարկային կանխավճարները հաշվառվել են որպես ընթացիկ տարվա եկամուտ, իսկ անցած տարի հաշվառման մեթոդաբանությունը փոխվել է, և կանխավճարները չեն հաշվարկվել 2018-ի ցուցանիշների մեջ։

Երևան էր եկել ՌԴ ավիացիոն մաքսատների ղեկավար անձնակազմը. ի՞նչ է քննարկվել ՊԵԿ-ում

«Եթե մենք նախորդ տարիների մեթոդաբանությամբ ներկայացնենք 2018թ.–ը, ապա 99.7 տոկոսի փոխարեն պետք է ձեզ ներկայացնենք 103.5 տոկոս կատարողական»,– ասաց Անանյանը։

Հիշեցնենք` արդեն 3-րդ օրն է, ինչ ՀՀ ԱԺ մշտական հանձնաժողովներում ու դրանց համատեղ նիստերում ընթանում են «ՀՀ 2018 թ. պետական բյուջեի կատարման մասին» տարեկան հաշվետվության նախնական քննարկումները։

Քննարկման առաջին օրը ԱԺ եկած վարչապետ Նիկոլ Փաշինյանը հայտնեց, որ հրահանգել է բոլոր գերատեսչություններին խորհրդարան ներկայանալ բացառապես առաջին դեմքով։

Ըստ թեմայի

ՊԵԿ–ում ոչ մեկին չեն ուղղորդում. Անանյանը հերքում է լուրերը
Որպեսզի հարցեր չլինեն, ՊԵԿ–ը կվերահրապարակի 1000 խոշոր հարկ վճարողների ցուցանիշները
Հարկերն աճել են, հարկատուները` փոխվել. ՊԵԿ–ը հրապարակել է խոշոր հարկատուների նոր ցանկը
թեգերը:
բյուջե, Դավիթ Անանյան, Պետական եկամուտների կոմիտե (ՊԵԿ), Հայաստան

Գլխավոր թեմաներ