19:16 26 հունիսի 2019
Ուղիղ եթեր
  • USD477.33
  • GBP605.45
  • EUR542.20
  • RUB7.56
Հին Գյումրի

Իտալացի ինժեներների ծրագրերը Հայաստանում. նոր «օպտիկայից» մինչև Գյումրու հին կենտրոն

© Sputnik / Lilit Harutyunyan
Տնտեսություն
Ստանալ կարճ հղումը
257 0 0

Իտալական որոշ ընկերություններ Հայաստանում վաղուց են աշխատում։ Մեկն ընդլայնում է Երևանյան ՋԷԿ–ը , մյուսը` հետևում Հյուսիս–Հարավ ավտոմայրուղու շինարարության որակին։

ԵՐԵՎԱՆ, 10 հունիսի — Sputnik. Իտալական ընկերությունները շահագրգռված են Հայաստանում նոր ենթակառուցվածքներ ստեղծելու հարցում։ Այս մասին Երևանում տեղի ունեցած հայ–իտալական բիզնես–ֆորումին հայտարարեց շինարարական կապալառուների իտալական ասոցիացիայի ներկայացուցիչ Վինչենցո Էռկոլեն։

Ֆորումին մասնակցելու համար ժամանել է պատվիրակություն, որը բաղկացած է հիմնականում շինարարությամբ և շինարարական ինժեներիայով զբաղվող շուրջ 20 իտալական ընկերություններից։

Դրանցից մի քանիսն արդեն երկար ժամանակ է, ինչ գործում են հայկական շուկայում, այդ թվում` Renco–ն, որը Երևանում արդեն մի քանի օբյեկտ է կառուցել, իսկ անցած տարի սկսեց կառուցել Երևանյան ՋԷԿ–ի նոր բլոկը։

Հայկական շուկայում աշխատում են ևս մի քանի իտալական ինժեներական ընկերություններ։

«Հայաստանում մենք իրականացնում ենք էլցանցերի շինարարություն և վերանորոգում։ Ամենախոշոր ներդրումները դեռ երկիր են մտնում միջազգային վարկերով։ Բայց մեզ թվում է, որ Հայաստանում զարգացման համար նաև այլ հնարավորություններ կան։ Մենք ուզում ենք հեռահաղորդակցման օպերատորներին օպտիկական կապի նոր ալիքների նախագծեր առաջարկել։ Ընդ որում և՛ մագիստրալային` ինտերնետ–տրաֆիկի միջազգային տարանցման համար, և՛ ներքին` երկրի կարիքների համար», – Sputnik Արմենիայի թղթակցի հետ զրույցում նշեց DBA Group իտալական ինժեներական ընկերության տնօրեն Ռաֆաելե դե Բետտին։

«Խելացի ճամպրուկ»․ Հայաստանում փորձարկում են նոր բժշկական տեխնոլոգիա

Ենթակառուցվածքային նախագծերում Հայաստանում արտասահմանյան վարկերով աշխատում է ևս մեկ իտալական ընկերություն` IRG Engineering–ը։ Նա ստուգում է Հայաստանի` իրանական սահմանից մինչև վրացական սահմանը կառուցվող Հյուսիս–Հարավ մայրուղու բետոնի որակը։ Իտալացիները վերահսկում են մայրուղու մի հատվածը, սակայն պատրաստվում են մասնակցել նաև մյուս հատվածների համար հայտարարվող մրցույթներին։

STI Engineering ընկերությունն արդեն երկար տարիներ է աշխատում է Ռուսաստանում, իսկ այժմ ուզում է փորձել ուժերը Հայաստանում։ Ընդ որում` պատրաստ են աշխատել ոչ թե Երևանում, այլ Գյումրիում։ Այստեղ ընկերությունն ուզում է մասնակցել հայտնի Հին քաղաքի բարեկարգման աշխատանքներին։

թեգերը:
«Հյուսիս–հարավ» ավտոճանապարհ, Գյումրի, Հայաստան

Գլխավոր թեմաներ