09:44 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Հաշվիչ մեքենա

Հայաստանում սպառողական վարկերն ավելի արագ են աճում, քան տնտեսությունը. Արամյան

© Photo: Иванко Игорь / АГН "Москва"
Տնտեսություն
Ստանալ կարճ հղումը
45 0 0

Հանրապետությունում դեռ այդքան արագ չեն աճում արդյունաբերությունն ու աշխատավարձերը, որքան առևտուրը, ծառայություններն ու վարկերը։

ԵՐԵՎԱՆ, 22 հունիսի – Sputnik. Սպառողական վարկերը Հայաստանում ավելի արագ են աճում, քան տնտեսությունն ընդհանուր առմամբ: Այսօր Դիլիջանում անցկացվող ներդրումային համաժողովի ժամանակ լրագրողների հետ զրույցում այս մասին ասաց ՀՀ ֆինանսների նախկին նախարար Վարդան Արամյանը։

Նրա խոսքով` 2019 թվականի առաջին ամիսներին հանրապետությունում ավելի շատ աճում են առևտուրն ու շինարարությունը, քան արդյունաբերությունը։

Մասնավորապես, տնտեսական ակտիվության ցուցանիշն աճել է 7%–ով, այն դեպքում, երբ առևտուրն աճել է շուրջ 10%–ով, իսկ ծառայությունները` 17%–ով։

«Ես նախագիծ էի սկսել Իրանի սահմանին, իսկ իշխանությունն ամեն ինչ իմ դեմ շրջեց». հայ ներդրող

Բայց միևնույն ժամանակ աճում է սպառողական վարկավորումը։ 2019 թվականի առաջին ամիսներին աճել է մոտավորապես 30%–ով, թեև բնակչության աշխատավարձերը հինգ անգամ պակաս են աճում` ընդամենը 6%–ով։

«Տնտեսության մեջ այս անհավասարակշռությունը պետք է շտկել։ Քանի որ յուրաքանչյուր ներդրող առողջ մտավախություն ունի տնտեսության մեջ առկա ոչ կայուն վիճակի համար», – ավելացրեց նա։

Նշենք, որ ՀՀ վարչապետ Նիկոլ Փաշինյանի մասնակցությամբ անցկացվող միջազգային համաժողովին մի քանի տասնյակ ներդրող է ժամանել (հիմնականում` Հայաստանից, սակայն կան նաև արտերկրից)։ Նման համաժողովները հերթով կազմակերպվում են ՀՀ յուրաքանչյուր մարզում։

Ըստ թեմայի

Հայկական դրամի կշիռն աճում է. ազգային արժույթով տրամադրվում է վարկերի շուրջ 50%–ը
Հայաստանում վարկային տեսակներից ամենաարագն աճում է հիփոթեքի ծավալը. ԿԲ–ի մասնագետ
Հայաստանում գովազդվող վարկային կազմակերպությունը հանցագործ խմբավորո՞ւմ է. «Ժամանակ»
Հայաստանում փոքր բիզնեսը կարող է վարկեր ստանալ ավելի թափանցիկ պայմաններով
թեգերը:
վարկ, Վարդան Արամյան, Հայաստան

Գլխավոր թեմաներ