05:06 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Գազ

Ե՞րբ պարզ կլինի գազի սակագնի հարցը. փոխվարչապետը պատասխանել է լրագրողներին

CC0 / PhotoMIX-Company / Плита
Տնտեսություն
Ստանալ կարճ հղումը
Հայաստան-Ռուսաստան համագործակցություն (130)
113 0 0

Հայաստանում սպասում են ՌԴ «Գազպրոմի» ներկայացուցիչներին` գազի սակագնի բոլոր բաղադրիչները քննարկելու համար։

ԵՐԵՎԱՆ, 12 հուլիսի — Sputnik. Գազի սակագինը կփոխվի, թե ոչ հարցի պատասխանն իշխանությունը դեռ չունի։ Այսօր ԱԺ-ում լրագրողների հետ ճեպազրույցում ասաց փոխվարչապետ Մհեր Գրիգորյանը։

«Չեք պատկերացնի, թե ինչքան շատ բաղադրիչներ կան, որոնք քննարկվել են և դեռևս ենթակա են քննարկման։ Այդ իմաստով չէի ցանկանա հիմա սպասումներ ձևավորել, որովհետև դեռևս մեծ աշխատանք կա անելու», - ասաց Մհեր Գրիգորյանը։

Դիտարկմանը, թե ռուս փորձագետներն ասում են, որ 2020 թվականից Հայաստանի համար գազի գինը չի իջնելու, ավելին՝ բարձրանալու է, Մհեր Գրիգորյանը պատասխանեց, որ այդ հայտարարություններում որևէ հիմնավոր պնդում չի տեսել։

Իսկ գազի գինը «Գազպրոմի» խնայողությունների հաշվին պահպանելը, Գրիգորյանի համոզմամբ, չի կարող անվերջ ձգվել։

«Անվերջ չի կարող ձգվել, բայց արդյունավետության հաշվին սահմանին գնի թանկացումը կանխելը սցենարներից մեկն է, որն, իհարկե, կրում է ժամանակավոր բնույթ»,– ասաց նա։

Փոխվարչապետը հաստատեց նաև, որ առաջիկայում ՌԴ «Գազպրոմ» ընկերությունից աշխատանքային խումբ է գալու Հայաստան՝ սակագնի բաղադրիչները քննարկելու նպատակով։

Նշենք, որ ՀԾԿՀ նախագահ Գարեգին Բաղրամյանը հայտարարել էր, որ ծախսերի օպտիմալացման համար ՀԾԿՀ ընդունած որոշմամբ «Գազպրոմ Արմենիային» հնարավորություն է տրվել հաստիքացուցակի որոշակի կրճատումներ անելու։ «Գազպրոմ Արմենիան» պատրաստակամություն էր հայտնել առաջիկա 5 տարվա ընթացքում կրճատել 1000 աշխատակցի։

Հիշեցնենք` ՌԴ նախագահ Վլադիմիր Պուտինի հետ հանդիպումից հետո, հունիսի 6-ին ՀՀ վարչապետ Նիկոլ Փաշինյանն ասել էր, որ հույս ունի, որ Երևանն ու Մոսկվան գազի գնի հարցում լեզու կգտնեն։

Գազային «դավադրություն» և իրական պատճառներ. ինչո՞ւ էր Հայաստանում «թռչկոտում» լույսը

2019 թվականի հունվարի 1–ից սահմանին Հայաստանը Ռուսաստանից գազը ստանում է հազար խորանարդ մետրի դիմաց 165 դոլար գնով՝ նախկին 150-ի փոխարեն։ Իսկ բնակչության համար սակագինը նույնն է մնացել ընկերության ծախսերի կրճատման հաշվին։ Այս կապակցությամբ «Գազպրոմ Արմենիան» հիմա անձնակազմի կրճատման ու ծախսերի օպտիմալացման հարցեր է քննարկում։ Հակառակ դեպքում սպառողների համար սակագնի պահպանումը կարող է հսկայական պարտքերի հասցնել ընկերությանը։

թեմա:
Հայաստան-Ռուսաստան համագործակցություն (130)

Ըստ թեմայի

Փոխվարչապետ Մհեր Գրիգորյանը խոսեց գազի գնի մասին
Որքան կավելանա բենզինի, դիզվառելիքի և սեղմված գազի գինը նոր փաթեթի ընդունումից հետո
Հայ մասնագետների գյուտը կյանքեր կփրկի.մեքենաների բախման դեպքում գազի բալոնն ավտոմատ կփակվի
թեգերը:
«Գազպրոմ Արմենիա» ընկերություն, Մհեր Գրիգորյան, գազի սակագին, Ռուսաստան, Հայաստան

Գլխավոր թեմաներ