14:49 15 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
«Թեղուտ» ընկերություն

«Թեղուտի» հարցն օրակարգում է. բուլղարացիները նոր հետազոտություն կանեն

© Photo / official site of the President of RA
Տնտեսություն
Ստանալ կարճ հղումը
33 0 0

«Թեղուտ» ընկերության պատվարի կայունության որոշման նպատակով անցկացվելիք ուսումնասիրության արդյունքները պատրաստ կլինեն 2020թ.–ի գարնանը։

ԵՐԵՎԱՆ, 15 օգոստոսի — Sputnik. «Թեղուտ» ընկերության պատվարի կայունության ուսումնասիրման նպատակով անհրաժեշտ հետազոտական միջոցառումների իրականացման համար պայմանագիր է ստորագրվել բուլղարական ընկերության հետ։

Այս մասին տեղեկացնում է ՀՀ տարածքային կառավարման և ենթակառուցվածքների նախարարությունը։

«Թեղուտ» ՓԲԸ-ի պատասխանատուները հայտնել են, որ աշխատանքները կմեկնարկեն սեպտեմբերի առաջին օրերին` բուլղարացի մասնագետների ժամանմամբ։ Փորձաքննության ողջ ընթացքը գտնվելու է նրանց անմիջական վերահսկողության ներքո, իսկ արդյունքները պատրաստ կլինեն առաջիկա 7-8 ամսվա ընթացքում:

Հավելենք, որ ավելի վաղ ՀՀ տարածքային կառավարման և ենթակառուցվածքների նախարարությունում կայացել է աշխատանքային հանդիպում, որին մասնակցել են նախարարի տեղակալ Լիլիա Շուշանյանը, «Թեղուտ» ՓԲԸ-ի գլխավոր տնօրեն Վլադիմիր Նալիվայկոն և ընկերության գործադիր տնօրեն Կարեն Ղազարյանը։

Թեղուտի հանքի պատճառով իրենց այգիներից զրկված 2 գյուղացիները փոխհատուցում կստանան
Նախարարության հաղորդագրության մեջ նշվում է նաև, որ ՀՀ կառավարությունն ուշադրության կենտրոնում է պահում «Թեղուտ» ՓԲԸ-ի կողմից պոչամբարի ինժեներաերկրաբանական և հիդրոերկրաբանական ուսումնասիրություններ իրականացնելու ու պատվարի կայունության հետազոտություն նախաձեռնելու

գործընթացը:

Թեղուտի հանքավայրը շահագործվել է 2014 թվականին` բնապահպան ակտիվիստների մտահոգությունների ու բողոքների անտեսմամբ։ Հանքը շահագործելու համար 350 հեկտար անտառ է հատվել, որի փոխարեն հանքը շահագործող ընկերությունը պարտավորվել էր երկու անգամ ավելի մեծ տարածքով անտառ տնկել։ Հանքավայրում մոտ 1200 մարդ էր աշխատում։

Թեղուտի շահագործումը դադարեցվել է փլուզման եզրին հայտնված պոչամբարների պատճառով

Ըստ թեմայի

Ո՛չ մետաղական հանքարդյունաբերությանը. Եղեգնաձորն էլ միացավ մերժած համայնքներին
Ավետիսյան․ «Հանքարդյունաբերություն՝ չի նշանակում հանքերի հոշոտում»
Թթվային առուներն ու հանքային թափոնները վտանգում են կապանցիների առողջությունը. Գալստյան
թեգերը:
«Թեղուտ» ընկերություն

Գլխավոր թեմաներ