23:31 27 փետրվարի 2020
Ուղիղ եթեր
  • USD478.49
  • GBP617.20
  • EUR523.13
  • RUB7.28
Տնտեսություն
Ստանալ կարճ հղումը
13011

Ամուլսարի հարցով, եթե գործը հասնի միջազգային դատարան դիմելուն, ապա Հայաստանից առնվազն 500 մլն դոլարի փոխհատուցման պահանջ կլինի:

ԵՐԵՎԱՆ, 22 Օգոստոս — Sputnik. Ամուլսարի դեպքը կարող է դառնալ պարարտ հող օտարերկրյա ներդրողների համար՝ Հայաստանի դեմ արբիտրաժային գործեր ներկայացնելու: Այս մասին այսօր լրագրողների հետ հանդիպման ժամանակ ասաց միջազգային արբիտրաժի մասնագետ Արայիկ Պապյանը:

Հայաստանի բյուջեն ու ընդերքը. որքան են վճարել հանքարդյունաբերողները պետությանը

«Ամուլսարի հարցով, եթե գործը հասնի միջազգային դատարան դիմելուն, ապա Հայաստանի առաջ առնվազն 500 մլն դոլարի փոխհատուցման պահանջ կդրվի: Ի դեպ, երկար ժամանակ է խոսվում է, որ «Լիդիանը» չի կարող դիմել արբիտրաժի, քանի որ օֆշորային ընկերություն է, սակայն հաշվի չեն առնվել մի շարք հանգամանքներ, օրինակ այն, որ ֆիզիկական անձի միջոցով է հնարավոր արբիտրաժի դիմել, այն անձի, որը սեփականատերն է այդ ընկերության»,-ասաց նա:

Նրա խոսքով՝  ներդրողը նույնպես կարող է միջազգային դատարան դիմել՝ ասելով, որ իր իրավունքները խախտվել են, իր նկատմամբ խտրական գործողություններ են կատարվել: Դրա համար էլ, ըստ նրա, կարևոր է այն, որ պետությունը խստացնի հանքարդյունաբերությանը վերաբերող օրենսդրությունը:

Երկրաբան Գրիգոր Մուխսի-Հովեյանն էլ համոզված է՝ Ամուլսարը շահագործելը ոչ մի վտանգ չի ներկայացնի՝ ոչ առողջապահական, ոչ էլ հող ու ջրի հետ կապված, ընդհակառակը, այն մեծ օգուտներ կբերի երկրին: Մուխսի-Հովեյանի խոսքով՝ զարմանալին այն է, որ անկախ փորձագետները վստահեցնում են, որ Ամուլսարի շահագործումն իրենից որևէ վտանգ չի ներկայացնելու, սակայն մարդիկ չեն հավատում փորձագետներին:

«Մարդկությունը միշտ էլ բնակություն է հաստատել մետաղական հանքավայրեր պարունակող տարածքներում: Ընդերքից օգտվում են բոլոր երկրները, զարմանալի է, որ մեզ բաժին է հասել հարուստ ընդերք, և մենք հրաժարվում ենք այն օգտագործել: Ի՞նչ առիթ կա, որ մենք չենք վստահում անկախ փորձաքննությանը, մեր իշխանությանը»,-ասաց նա:

Նրա խոսքով՝ Ամուլսարը շահագործելու հարցով «Լիդիանը» ընդերքի մասին օրենքի բոլոր դրույթներին հետևել է:

Հիշեցնենք, որ երեկ ՀՀ վարչապետ Նիկոլ Փաշինյանը Facebook սոցիալական ցանցի իր էջում գրել էր, որ խորհրդակցություն է իրականացրել Ամուլսարի հարցով։

Ամուլսարի փորձագիտական եզրակացությունը ստանալուց հետո Քննչական կոմիտեն հայտարարեց, որ նախկին պաշտոնյաների նկատմամբ քրեական հետապնդման հիմքեր չկան։ Քննչական մարմնի այս հայտարարությունը նոր կրքեր էր բորբոքել Ամուլսարի հանքշահագործման դեմ պայքարող բնապահպանների շրջանում։ Ակտիվիստները Ջերմուկում բողոքի ակցիաների նոր ալիք էին սկսել։

Ի դեպ, հանքավայրի շինարարության պաշտոնական մեկնարկը տրվել էր 2016թ-ի օգոստոսի 19-ին: Ամուլսարը Հայաստանում այս պահին ամենախոշոր միջազգային ներդրումն է:

Ըստ թեմայի

Ամուլսարի մասին Գրիգորյանի և Մարտիրոսյանի գրառումները չունեն փաստական հիմք. դատախազություն
Ամուլսարի հարցով նոր գնահատո՞ւմ կիրականացվի. Փաշինյանը խորհրդակցություն է անցկացրել
Ամուլսարի հարցով ինչ պարտավորություն է ստանձնել «Լիդիանը».քննչականը մանրամասներ է հայտնում
թեգերը:
Դատարան, Վարչապետ, Հայաստան, Լիդիան, Ամուլսար

Գլխավոր թեմաներ