09:05 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Էլեկտրահաղորդաման գծեր

Իրանը 10-15 տարվա ընթացքում կգնի Մեղրի ՀԷԿ–ի արտադրած էլեկտրաէներգիայի ամբողջ ծավալը

© Sputnik / Asatur Yesayants
Տնտեսություն
Ստանալ կարճ հղումը
8830

Երևանն ու Թեհրանը պարբերաբար միջկառավարական հանձնաժողովի նիստեր են անցկացնում, որոնց ընթացքում քննարկվում է էլեկտրակայանի շինարարության հարցը, բայց նախագծի ապագան առայժմ մշուշոտ է։

ԵՐԵՎԱՆ, 18 սեպտեմբերի — Sputnik, Դավիթ Գալստյան. Թեհրանը համաձայնել է 10-15 տարվա ընթացքում գնել Մեղրի ՀԷԿ-ի արտադրած էլեկտրաէներգիայի ամբողջ ծավալը, Sputnik Արմենիայի հարցմանն ի պատասխան հայտնեցին Հայաստանի տարածքային կառավարման և ենթակառուցվածքների նախարարությունից։

Նախագծի իրագործման թեման շոշափվել է փոխըմբռնման մասին հուշագրում, որը ստորագրվել է 2019թ. հուլիսի 1-2-ը Թեհրանում կայացած հայ–իրանական միջկառավարական համատեղ հանձնաժողովի 16-րդ նիստի արդյունքում։

«Կողմերը կարևորում են Մեղրի ՀԷԿ-ի ծրագրի իրականացումը ՀՀ և ԻԻՀ միջկառավարական համատեղ հանձնաժողովի 15-րդ նիստի (18 փետրվարի 2019թ.) արձանագրությունում ձեռք բերված պայմանավորվածությունների համաձայն», – նշված է փաստաթղթում։

Իրանական կողմը համաձայնել է 10-ից 15 տարվա ընթացքում գնել Մեղրի ՀԷԿ-ի արտադրած էլեկտրաէներգիայի ամբողջ ծավալը 1 կՎտ/ժ համար 4․5–6․5 ցենտ համաձայնեցված գնով։

«Վերոնշյալ պայմանավորվածության հիման վրա հայկական կողմը սեղմ ժամկետներում ներդրողներ կներգրավի Մեղրի ՀԷԿ-ի ծրագրի իրականացման համար», – գրված է նախարարության պատասխանում։

Ինչպես ավելի վաղ հայտնել էին Հայաստանի էներգետիկ ենթակառուցվածքների և բնական պաշարների նախարարությունից՝ պատասխանելով Sputnik Արմենիայի հարցմանը, նախագծի համաձայն` 100 ՄՎտ հզորությամբ ՀԷԿ-ն ամեն տարի կարտադրի 750-800 միլիոն կՎտ/ժ էլեկտրաէներգիա։

Նշենք, որ սա հայ-իրանական խոշորագույն նախագծերից է։ Մեղրիի էլեկտրակայանը (Արաքսի հայկական ափին) իրենից ներկայացնում է երկու ՀԷԿ-երից կազմված կասկադ (երկրորդ կայանը կկառուցվի իրանական ափին՝ Քարաչիլարում)։ Այդ ՀԷԿ-երը պետք է դառնան ամենամեծը Հարավային Կովկասում։

ԵԱԶԲ–ն պատրաստ է մասնակցել Հայաստանում կանաչ էներգետիկայի նախագծերին

Հայաստանն ու Իրանը սկսել են այդ գաղափարը քննարկել դեռ 2006թ.-ին, իսկ 2010թ.-ին հուշագիր են ստորագրել շինարարության մասին։ Սկզբնական գաղափարի համաձայն` Մեղրու ՀԷԿ-ի հզորությունը պետք է կազմի 130 մեգավատ (դա 10 տոկոսով ավելի է 2017թ.-ին Հայաստանում ամբողջ էլեկտրականության մշակումից)։

Շինարարության ծրագրերը ձախողվել էին 2012-ին, երբ Եվրամիությունը էմբարգո էր սահմանել իրանական նավթի վրա։ Դրանից հետո նախագիծը սառեցվել էր, քանի որ Հայաստանը ներդրումներ է սպասել Իրանից։

Ըստ թեմայի

Հայաստանը, Ռուսաստանը, Վրաստանն ու Իրանը կարող են միավորել էներգացանցերը. Ավինյան
Ինչո՞ւ Հայաստանում կյանքի չեն կոչվում հավակնոտ ու հեռանկարային գյուտերը. Ժորա Մալոյան
Շաքարյանց․ «Դժվար թե Իրանը փոխի տրանսկասպյան գազամուղի անցկացման հետ կապված իր որոշումը»
«Գազպրոմ Արմենիան» վաճառում է իր ընկերություններից մեկի գույքը. հայտնի է գնորդը
թեգերը:
Մեղրի, էլեկտրաէներգիա, Հայաստան

Գլխավոր թեմաներ