07:49 22 փետրվարի 2020
Ուղիղ եթեր
  • USD478.35
  • GBP617.79
  • EUR517.05
  • RUB7.43
Տնտեսություն
Ստանալ կարճ հղումը
9710

Հայաստանում արտադրված ոսկերչական ապրանքները ԵԱՏՄ անդամ այլ երկրում վաճառելու համար այլևս նոր հարգադրոշման կարիք չի լինի։ ԵԱՏՄ–ն ընդհանրացնում է խաղի կանոնները։

ԵՐԵՎԱՆ, 3 հոկտեմբերի — Sputnik. Հայաստանում արտադրված ոսկեղենը ԵԱՏՄ կարտահանվի ու կվաճառվի առանց արհեստական խոչընդոտների։ Այս մասին որոշումը կայացվեց այսօր ՀՀ կառավարության նիստում։

Այդ նպատակով ՀՀ կառավարությունն ընդունեց «Եվրասիական տնտեսական միության շրջանակներում թանկարժեք մետաղների և թանկարժեք քարերի հետ գործառնությունների իրականացման առանձնահատկությունների մասին» համաձայնագրի ստորագրման առաջարկությունը։

«Այսինքն` սա այն երկար քննարկված հարցն է, որը խոչընդոտ էր ստեղծում տեղական արտադրողների համար։ Արտադրում էին ոսկերչական արտադրանք, սակայն անդամ պետության տարածքում վաճառք իրականացնելու համար պետք է նոր հարգադրոշմում կատարեին այդ շուկայում գործող կանոններով»,– համաձայնագիրը ներկայացնելով ասաց ՀՀ էկոնոմիկայի նախարար Տիգրան Խաչատրյանը։

Իսկ թանկարժեք քարերը ԵԱՏՄ տարածք արտահանելիս, նախարարի խոսքով, պետք է լինեն դրանց արժեքավորությունը հավաստող սերտիֆիկատներ։ Այս կարգավորումն արդեն բխում է սպառողի շահերից` նրան ապահովագրելով հնարավոր կեղծիքներից։

Կառավարությունը նվազեցնում է արտերկրից ներկրվող ավտոմեքենաների մաքսազերծման գները

Հիշեցնենք` հոկտեմբերի 1-ին Երևանում անցկացված ԵԱՏՄ խորհրդի նիստում քննարկված հարցերի թվում էր նաև ԵԱՏՄ տարածքում օրենսդրությունների համաձայնեցումն ու բյուրոկրատական ավելորդ քաշքշուկից հրաժարվելը։

Ըստ թեմայի

ԵԱՏՄ տարածքում փորձ է արվում տրանսպորտային ծառայությունների միասնական շուկա ստեղծել
Լուրջ, բայց ոչ պաշտոնական. ԵԱՏՄ գագաթնաժողովի ուշագրավ դրվագները` լուսանկարներով
Բյուրոկրատիա, կեղծ ապրանքներ. ինչի դեմ են ԵԱՏՄ–ում պայքարելու երևանյան գագաթնաժողովից հետո
թեգերը:
Տիգրան Խաչատրյան, ՀՀ կառավարություն, Հայաստան, Եվրասիական Տնտեսական Միություն (ԵԱՏՄ)

Գլխավոր թեմաներ