21:56 11 դեկտեմբերի 2019
Ուղիղ եթեր
  • USD478.02
  • GBP628.02
  • EUR529.79
  • RUB7.53
Աշխատանքի տոնավաճառ

Ավելի քան 300 աշխատատեղ` ուսանողների համար. կայացավ աշխատանքի տոնավաճառը

© Sputnik / Astghik Sukiasyan
Տնտեսություն
Ստանալ կարճ հղումը
143310

Շարունակական ծրագրի շնորհիվ տարեկան բազմաթիվ ուսանողներ ոչ միայն աշխատանք են գտնում, այլև կարողանում են իրենց կարիերայում առաջին քայլերն անել:

ԵՐԵՎԱՆ, 25 հոկտեմբերի — Sputnik. Հայաստանի գործատուներն այսօր ուսանողներին առաջարկեցինն 300 և ավելի աշխատատեղ: ՀՀ աշխատանքի և սոցիալական հարցերի նախարարության Զբաղվածության պետական գործակալությունը (ՀՀ ԱՍՀՆ), Հայաստանի պետական տնտեսագիտական համալսարանի հետ համատեղ իրականացրեց աշխատանքի տոնավաճառ՝ տնտեսության տարբեր ոլորտների առաջատար ընկերությունների մասնակցությամբ: Sputnik Արմենիան եղել է տեղում և զրուցել տոնավաճառի մասնակիցների հետ:

Սա աշխատանք փնտրող ուսանողներին հնարավորություն է տալիս անձամբ գործատուներին հանդիպելու, տեղում իրենց հուզող հարցերն ուղղելու և տվյալ ընկերությունում համապատասխան թափուր հաստիքի համար փորձաշրջան անցնելու համար: Եթե ուսանողն արդարացնի գործատուի սպասելիքները, ապա կարող է զբաղեցնել այդ հաստիքը:

«Այս ծրագիրը շատ հաջողված է, քանի որ անմիջական կապ է հաստատվում  գործատուի և աշխատանք փնտրող ուսանողի միջև: Ճիշտ է, 21-րդ դարը տեխնիկայի դար է, բայց հաճախ էլեկտրոնային տարբերակով ուղարկված ռեզյումեները մնում են անպատասխան»,- Sputnik Արմենիայի հետ զրույցում ասաց ՀՀ ԱՍՀՆ Զբաղվածության պետական գործակալության պետի տեղակալ Արտակ Սիմոնյանը:

Заместитель директора Гос.агенства занятости Артак Симонян на ярмарке труда (25 октября 2019). Еревaн
© Sputnik / Astghik Sukiasyan
Արտակ Սիմոնյանը

Նրա խոսքով՝ հայաստանյան բուհերի ուսանողներն ուզում են 2-րդ,3-րդ կուրսից  աշխատել և ստեղծել իրենց կարիերան, կամ սեփական միջոցներով ուսման վարձի խնդիրը հոգալ:

Организованная Гос.агенством занятости и Армянским гос.экономическим университетом ярмарка труда (25 октября 2019). Еревaн
© Sputnik / Astghik Sukiasyan
Աշխատանքի տոնավաճառ

ՀՊՏՀ ռեկտոր, տնտեսագիտության դոկտոր, պրոֆեսոր Դիանա Գալոյանը Sputnik Արմենիայի հետ զրույցում նշեց, որ նման միջոցառումները նախևառաջ բուհերին հնարավորություն են տալիս խորությամբ ուսումնասիրել գործատուների պահանջները և ապագա մասնագետներին համապատասխանեցնել այդ չափանիշներին:

Исполняющий обязанности ректора АГЭУ Диана Галоян на ярмарке труда (25 октября 2019). Еревaн
© Sputnik / Astghik Sukiasyan
Դիանա Գալոյանը

«Շատ կարևոր է, որ մենք կարողանանք գործատուների կարիքները վեր հանել և մեր կրթական բարեփոխումները հարմարեցնել գործատուների պահանջներին»,-ասաց նա:

Տոնավաճառի հանդեպ ուսանողների հետաքրքրությունը շատ մեծ էր: Բոլորը զբաղված էին գործատուներին հարցեր տալով և սեփական ինքնակենսագրական նրանց փոխանցելով: Ճիշտ է, ներկայանալ կամ լուսանկարվել չցանկացան, բայց ասացին, որ եկել են աշխատանք գտնելու հույսով:

Организованная Гос.агенством занятости и Армянским гос.экономическим университетом ярмарка труда (25 октября 2019). Еревaн
© Sputnik / Astghik Sukiasyan
Աշխատանքի տոնավաճառ

«Այստեղ եմ եկել աշխատանք ստանալու հաստատակամությամբ: Ուզում եմ 3-րդ կուրսից աշխատել կես դրույքաչափով, որպեսզի դասերիցս էլ հետ չմնամ»,–ասաց Մարգարիտան։ Իսկ Անահիտին աշխատանքն այս պահին անհրաժեշտ է ուսմանս վարձն ինքնուրույն վճարելու համար: «Իհարկե, ցանկալի է իմ մասնագիտությամբ, որպեսզի հետագայում, երբ ավարտեմ համալսարանը  գործատուին ներկայացնեմ աշխատանքային փորձս, և խնդիր չլինի»,–ասաց նա։ «Ողջունում եմ այս նախագիծը, այն մեզ հնարավորություն է տալիս սեփական ուժերը փորձելու և կայանալու համար»,- Sputnik Արմենիայի հետ զրույցում ասացին ուսանողներից մի քանիսը:

HR менеджер страховой компании ИНГО АРМЕНИЯ Анна Амиракова (слева) на ярмарке труда (25 октября 2019). Еревaн
© Sputnik / Astghik Sukiasyan
«Ինգո Արմենիայի» աշխատակիցները` աշխատանքի տոնավաճառում

Տոնավաճառին մասնակցող գործատուներից «ԻՆԳՈ ԱՐՄԵՆԻԱՆ», օրինակ, ուսանողներին առաջարկում էր քարտուղար ռեֆերենտի, վաճառքի պատասխանատուի և զանգերի կենտրոնի մասնագետների թափուր հաստիքներ: «Մենք շատ ենք համագործակցում  ՀՊՏՀ-ի հետ և այս բուհից ունենք մի շարք աշխատակիցներ, որոնց մեծ մասը դեռ ուսանող է»,- ասաց ապահովագրական ընկերություն մարդկային ռեսուրսների (HR) մասնագետ Աննա Ամիրակովան  և նշեց, որ ուսանողների համար փորձառության շրջանը տևում է 2 շաբաթից  մինչև մեկ ամիս, և եթե նրանք արդարացնում են իրենց  սպասումները` անցնում են աշխատանքի:

Глава HR отдела завода шампанских вин Лусине Манукян на ярмарке труда (25 октября 2019). Еревaн
Astghik Sukiasyan
Լուսինե Մանուկյան

Աշխատանքային տոնավաճառին իր տաղավարով էր ներկայացել նաև «Շամպայն գինիների գործարանը», որը բացի անհրաժեշտ մասնագետներին գտնելուց, խրախուսում է ՀՀ-ում աշխատանքային տոնավաճառներին ուսանողների մասնակցությունը։

Գործարանի մարդկային ռեսուրսների (HR) ղեկավար Լուսինե Մանուկյանի խոսքով`իրենց  անհրաժեշտ են գինեգործներ, վաճառքի պատասխանատուներ, իրավախորհրդատուներ, բանվորներ:

Մեր մեկ այլ զրուցակից `«ՆԱԻՐԻ ԻՆՇՈՒՐԱՆՍ» ապահովագրական ընկերության  PR-ի և մարքեթինգի մասնագետ Մարիաննա Փատյանը շատ ուրախ է, որ նման ծրագրերի միջոցով իրենց թիմը կարող է համալրվել:

PR менеджер и отвественный по маркетингу страховой компании Наири иншуранс Марианна Пайтян (слева) на ярмарке труда (25 октября 2019). Еревaн
© Sputnik / Astghik Sukiasyan
«ՆԱԻՐԻ ԻՆՇՈՒՐԱՆՍ» ապահովագրական ընկերության աշխատակիցները` աշխատանքի տոնավաճառում

«Սա մեզ համար իսկապես հնարավորություն է նոր կադրեր հավաքագրելու, մենք այստեղ եկել ենք 8 թափուր հաստիքներով և հույս ունենք, որ կգտնենք մեր տաղանդավոր գործընկերներին»,-ասաց նա:

Организованная Гос.агенством занятости и Армянским гос.экономическим университетом ярмарка труда (25 октября 2019). Еревaн
© Sputnik / Astghik Sukiasyan
Աշխատանքի տոնավաճառ

Ընդհանուր առմամբ, աշխատանքային տոնավաճառին մասնակցեցին 54 գործատուներ, այդ թվում՝ 11 առևտրային բանկ, 5 ապահովագրական ընկերություն, 6 վարկային, 3 հեռուստատեսային և այլ ոլորտներ ներկայացնող 24 կազմակերպություն:

Նշենք, որ ՀՀ ԱՍՀՆ Զբաղվածության պետական գործակալության տվյալներով ՀՀ-ում 2019 թվականի հոկտեմբերի 1-ի դրությամբ աշխատանք փնտրողների թիվը կազմում է 83.3 հազար մարդ, որը նախորդ տարվա նույն ժամանակահատվածի համեմատ աճել է 1.3 %-ով: Գործազուրկների թվաքանակը կազմում է 8200 մարդ:  Գործազուրկի կարգավիճակ ունեցողների 16.8%-ը երիտասարդ է , 6.1 %-ը հաշմանդամություն ունեցող անձ:

 

Ըստ թեմայի

Աշխատաշուկայում պահանջարկ ունեցող 3 նոր մասնագիտություն է ներդրվել
Մակարյան․ «Հայկական աշխատաշուկայում հնդիկները գրավել են հայերի տեղերը»
Աշխատաշուկայում իրավիճակ է փոխվել. գործատուները պատժո՞ւմ են աշխատանք փնտրող տեղացիներին
թեգերը:
Հայաստանի պետական տնտեսագիտական համալսարան (ՀՊՏՀ), Ուսանող, աշխատանքային ստաժ, աշխատավարձ, աշխատատեղ, աշխատանք, Հայաստան

Գլխավոր թեմաներ