01:19 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Հակոբ Վարդանյան

Ի՞նչ կտա Հայաստանին հոսանքի նոր «մայրուղին». պարզաբանում է փոխնախարարը

© Sputnik / Asatur Yesayants
Տնտեսություն
Ստանալ կարճ հղումը
20210

Երևանը Ռուսաստան–Վրաստան–Հայաստան–Իրան միասնական միջանցքի շրջանակում պատրաստվում է էլեկտրահաղորդման նոր գիծ կառուցել։

ԵՐԵՎԱՆ, 25 հոկտեմբերի — Sputnik. Վրաստան գնացող էլեկտրահաղորդման նոր գծի տենդերային փաստաթղթերը պատրաստ կլինեն նոյեմբերի վերջին։ Sputnik Արմենիայի հետ զրույցում այս մասին ասաց ՀՀ տարածքային կառավարման և ենթակառուցվածքների փոխնախարար Հակոբ Վարդանյանը։

Էլեկտրահաղորդման նոր գիծը նախորդներից հզոր կլինի` 400 կՎ, մինչդեռ այժմ գործում է մեկ գիծ` 220 Կվ լարմամբ, և երկու գիծ` 110 կՎ լարմամբ։ Գծի կառուցման համար վարկ է տրամադրելու KfW գերմանական զարգացման բանկը։ Նախագծի վերջնական արժեքը դեռ որոշված չէ, այն գնահատվում է 180-250 միլիոն եվրո։

Գծից բացի, պետք է կառուցվի նաև հաստատուն հոսանքի ներդիր։ Այն ապահովելու է Հայաստանի ու Վրաստանի էներգահամակարգերի ավելի սահուն միացումը։ Այժմ դրանք գործում են հոսանքի տարբեր հաճախականությամբ (հայկականը սինխրոնացված է իրանականի հետ, վրացականը` ռուսականի): Այդ պատճառով ամեն անգամ, երբ կողմերն էլեկտրաէներգիա են փոխանակում, դրանք պետք է հաստատուն հոսանքի «կղզյակ» ստեղծեն։ Այդ նպատակով Հայաստանի էներգահամակարգի սահմանային մի հատված ժամանակավորապես անջատվում է ցանցից ու միանում վրացականին (կամ հակառակը)։ Հաստատուն հոսանքի ներդիրը թույլ կտա ուղիղ փոխանակում իրականացնել։

Ապագա գծի համար մի քանի տարբերակ է քննարկվում։ Վարդանյանն ավելացրեց, որ խորհրդատու ընկերության հետ բանակցություններից հետո պարզ կլինի` դրանցից որն աշխատանքային կդառնա։

Հրազդան քաղաքի մոտակայքում Հայաստան–Վրաստան գիծը միանում է Իրան–Հայաստան գծին։ Այդ դեպքում 400 կվ հզորությամբ համընդհանուր միջանցք կստեղծվի։ Վրաստանն իր հերթին Հայաստան եկող էլեկտրահաղորդալարը 220–ից կդարձնի 500 կՎ, հետո կշարունակի այն Ռուսաստանի ուղղությամբ, հետևյալ ուղղությամբ` Քսանի–Ստեփանծմինդա (Ռուսաստանի սահման) – Մոզդոկ (Հյուսիսային Օսեթիա)։

Սա թույլ կտա Ռուսաստան–Վրաստան–Հայաստան–Իրան միասնական միջանցք ստեղծել, և չորս երկրները կկարողանան ազատորեն էլեկտրաէներգիա փոխանակել։

Ըստ թեմայի

Երևանի համար կարևոր ենթակայանը հիմնանորոգումից հետո սկսեց աշխատանքները
Հայկական ԱԷԿ–ի կյանքը երկարացնելու «բաղադրատոմսը» պատրաստ է. մրցույթ է սպասվում
Իրանը 10-15 տարվա ընթացքում կգնի Մեղրի ՀԷԿ–ի արտադրած էլեկտրաէներգիայի ամբողջ ծավալը
թեգերը:
էլեկտրաէներգիա, Իրանի Իսլամական Հանրապետություն, Վրաստանի Հանրապետություն, Ռուսաստան, Հայաստան

Գլխավոր թեմաներ