14:48 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Ատոմ Ջանջուղազյան. արխիվային լուսանկար

Արտահանումները կաճեն ներմուծումներից արագ. ներդրումների համար միջավայր չկա

© Sputnik / Aram Nersesyan
Տնտեսություն
Ստանալ կարճ հղումը
74 0 0

ՀՀ ֆինանսների նախարարը բյուջեի նախագիծը ներկայացնելիս անդրադարձել է կառավարության տնտեսական ծրագրի մի շարք դրույթների։

ԵՐԵՎԱՆ, 28 հոկտեմբերի – Sputnik. 2020թ.–ին Հայաստանից արտահանումները կաճեն շուրջ 11 տոկոսով։ Այսօր ԱԺ–ում բյուջեի նախագծի ներկայացման ժամանակ ասաց ՀՀ ֆինանսների նախարար Ատոմ Ջանջուղազյանը։

«Ակնկալվում է, որ մենք կունենանք արտահանման աճ, ոչ թե ներմուծման։ Այդ տրամաբանությամբ է կառուցված նաև բյուջեի նախագիծը։ 10.9 տոկոս աճ է կանխատեսվում արտահանման համար և 6.8 տոկոս` ներմուծման համար»,– ասաց Ջանջուղազյանը։

Համեմատության համար ասենք, որ մինչև 2019թ.–ի տարեվերջ կառավարությունն ակնկալում է մինչև 7 տոկոս արտահանման աճ։

Ինչ վերաբերում է ակնկալվող ներդրումներին, ֆինանսների նախարարը չցանկացավ թվային ցուցանիշ հնչեցնել, միայն նշեց, որ կառավարությունն այսօր կարողությունների վերանայման փուլում է։

«Մենք ներդրում ասելով` հասկանում ենք միայն խոշորամասշտաբ որևէ ծրագրի ներդրում։ Բայց աշխարհը վաղուց արդեն գնացել է այլ ուղղությամբ։ Դրա համար մեզ պետք է կապիտալի շուկայի ձևավորում, որի ուղղությամբ մենք քայլեր ենք անում, և կարծում ենք` այդ կապիտալի շուկայի ձևավորման արդյունքում ներդրումներ ներգրավելու հնարավորությունն ավելի է մեծանալու, նաև միջավայրն է դառնալու ավելի նպաստավոր»,– ասաց նախարարը։

Ինչպիսին է 2020թ.–ի բյուջեն ըստ վարչապետի

Հիշեցնենք` կառավարության ներկայացրած 2020թ.–ի բյուջեի նախագծով նախատեսվում է 1 697 618 538 800 դրամ եկամուտ, 1 880 186 389 800 ծախս, 182 567 851 000 դեֆիցիտ, 4.5 տոկոս տնտեսական աճ։

Ըստ թեմայի

ԵԱԶԲ–ն քննարկում է «Զվարթնոց» օդանավակայանում ներդրումների նախագիծը
ԵԱԶԲ–ն ծրագրում է 110 միլիոն դոլարի հասցնել Հայաստանում ներդրումային կապիտալը
Հայաստանում կատարված ներդրումները կառավարությանը չեն բավարարում. նախարար
«Հեղափոխությունից հետո մտածում էին` ներդրողները հերթ են կանգնելու». Ծառուկյան
թեգերը:
նախագիծ, ՀՀ կառավարություն, Ներդրում, ՀՀ Ազգային ժողով, Ատոմ Ջանջուղազյան

Գլխավոր թեմաներ