12:14 06 դեկտեմբերի 2019
Ուղիղ եթեր
  • USD477.94
  • GBP627.63
  • EUR530.13
  • RUB7.49
Գազ

«Որոշումը գործընկերային կլինի». Փաշինյանը կրկին խոսել է գազի գնի մասին

CC0 / PhotoMIX-Company / Плита
Տնտեսություն
Ստանալ կարճ հղումը
74 0 0

ՀՀ վարչապետը համոզված է` կարևորը ոչ թե սահմանին գազի գինն է, այլ այն, որով այն վերավաճառվում է հայաստանցի սպառողին։ Այս համատեքստում նա վստահում է ՌԴ–ի հետ գործընկերային հարաբերություններին։

ԵՐԵՎԱՆ, 29 հոկտեմբերի — Sputnik. Կարևոր է, որ գազի գինը չկոտրի Հայաստանի տնտեսական զարգացման դինամիկան։ Այս մասին ՀՀ վարչապետ Նիկոլ Փաշինյանն ասել է ռուսական «Կոմերսանտ» պարբերականի հետ հարցազրույցում։

Փաշինյանն նշել է, որ կողմերն այժմ զբաղված են գազի այնպիսի գնի հաշվարկմամբ, որը չի խոչընդոտի ՀՀ տնտեսական զարգացմանը։

«Որոշումը կլինի գործընկերային։ Այլ կերպ չի կարող լինել ու չպիտի լինի»,– ասել է նա։

Նրա խոսքով` կարևորը ոչ թե սահմանին գազի գինն է, այլ այն, որով այն վերավաճառվում է հայաստանցի սպառողին։ Փաշինյանը կարևորել է այնպիսի բանաձևերի մշակումը, որոնց արդյունքում արդյունավետ կլինի թե՛ «Գազպրոմ Արմենիայի» գործունեությունը, թե՛ գազի գինը։

«Կարծում եմ, դա ոչ միայն Հայաստանի նպատակն է, դա պետք է լինի նաև Ռուսաստանի նպատակը, որովհետև մենք խոսում ենք ԵԱՏՄ–ի մասին և ունենք միասնական տնտեսական համագործակցություն։ Երբ Ռուսաստանում տնտեսական խնդիրներ են առաջանում, դա մեզ շատ է անհանգստացնում։ Կարծում եմ ` նույն ընկալումն ունեն նաև մեր ռուսաստանցի գրծընկերները` ՌԴ նախագահը, վարչապետը»,– ասել է Փաշինյանը։

Հայաստանն ու Իրանը էներգետիկ համագործակցության ցանկություն ունեն, ճանապարհ` դեռ ոչ

Հիշեցնենք` ավելի վաղ ՀՀ փոխվարչապետ Մհեր Գրիգորյանն ասել էր, որ բանակցությունները պետք է շարունակվեն այնքան, մինչև որ հնարավոր լինի գտնել գոնե մեկ բաղադրիչ, որը կօգնի կանխել գազի թանկացումը։

Փոխվարչապետը կարևորել էր նաև տարածաշրջանում էներգետիկ համակարգերի ինտեգրացիան ու ՀՀ–ՌԴ–Իրան  շրջանակում էներգետիկ համագործակցությունը։

«Գազի գնի շուրջ բանակցությունները կավարտվեն մինչև տարեվերջ». Մհեր Գրիգորյան

2019 թվականի հունվարի 1–ից Հայաստանը սահմանին Ռուսաստանից գազը ստանում է հազար խորանարդ մետրի դիմաց 165 դոլարով։ Երկրի ներսում սակագինը կազմում է 139 դրամ մեկ խորանարդի դիմաց, այսինքն` հազար խորանարդի դիմաց գրեթե 290 դոլար։

Ըստ թեմայի

ԵԱՏՄ–ում կձևավորվի գազի միասնական շուկա. Փաշինյանը խոսել է գնի կայունացման մասին
Գազի գնի շուրջ բանակցությունները շարունակվում են. թանկացման հարցը մնում է բաց
Հակոբյան. «Գազը մտնում է պետությունների քաղաքական գործիքակազմի մեջ»
Ռուսական կողմը պատրաստակամ է քննարկել գազի ներքին սակագների նվազեցման հարցը. ՀԾԿՀ նախագահ
թեգերը:
հայեր, հայ, Նիկոլ Փաշինյան, գազի սակագին, գազ, Հայաստան

Գլխավոր թեմաներ