01:08 10 դեկտեմբերի 2019
Ուղիղ եթեր
  • USD477.97
  • GBP628.91
  • EUR528.87
  • RUB7.49
«Զվարթնոց» օդանավակայան

Հայաստանից 10 նոր ուղղությունով չվերթեր կբացվեն. առաջինը կլինի ռուսական «Ազիմուտը»

© Sputnik / Aram Nersesyan ,
Տնտեսություն
Ստանալ կարճ հղումը
249 0 0

Ռուսական «Ազիմուտ» ավիաընկերությունը դեկտեմբերի 14-ից չվերթեր կիրականացնի Հայաստանից դեպի ՌԴ Կալուգա քաղաք։ Չվերթի ուղևորները օդի փող չեն վճարի։

ԵՐԵՎԱՆ, 14 նոյեմբերի — Sputnik. Հայաստանից իրականացվող բոլոր այն չվերթերը, որոնք վերջին 1 տարվա ընթացքում չեն եղել, կազատվեն օդի հարկից։ Նման որոշում կայացրեց այսօր ՀՀ կառավարությունը` համապատասխան փոփոխություն առաջարկելով Պետական տուրքի մասին օրենքում։

«Սա վերաբերում է բոլոր ավիաընկերություններին և որևէ կոնկրետ ավիաընկերության առանձին արտոնություն չի տրվելու»,– ասաց Տարածքային կառավարման և ենթակառուցվածքների նախարար Սուրեն Պապիկյանը։

Կառավարության հաշվարկով` թեև այս օրենքի կիրառման արդյունքում բյուջեի մուտքերը կնվազեն, բայց մուլտիպլիկատիվ էֆեկտի շնորհիվ բյուջեն կհամալրվի լրացուցիչ միջոցներով։

«Այս պահին տարեկան մոտավորապես 11-12 մլրդ դրամ պետական բյուջե մուտք է լինում օդի տուրքի ձևով։ Սակայն կան բոլոր հիմքերը ենթադրելու, որ այս արտոնությունը տրամադրելու արդյունքում մենք ունենալու ենք դրական էֆեկտ` հաշվի առնելով, որ տվյալ կարգավորումը նպաստելու է նոր շուկաների ձևավորմանը»,– ասաց Պապիկյանը։

Վարչապետ Փաշինյանն էլ շեշտեց, որ նոր ուղղություններից տուրքից ազատելու որոշում կառավարությունը կայացրել է դեռևս 6 ամիս առաջ։

Աթբաշյան. «Հայաստանի օդային տարածքով շարժը կավելանա, ինչից մենք կունենանք մեծ եկամուտներ»

«Այդ քաղաքական որոշման արդյունքում մենք այս պահին ունենք մի ավիաընկերություն, որն արդեն կայացրել է որոշում` Երևան և Գյումրի չվերթեր սկսելու։ Արդյունքում արդեն եղան մեկնաբանություններ, թե` Ryanair –ին արտոնություն են տալիս։ Ryanair–ին արտոնություն չի տրվել։ Մենք համագործակցության ենք հրավիրում բոլոր ավիաընկերություններին։ Հրավիրում ենք գալ և մեր պայմաններից օգտվել»,– ասաց Փաշինյանը` հավելելով, որ այս պահին միայն Ryanair ընկերությունն է արձագանքել ՀՀ կառավարության առաջարկին։ Վարչապետը, սակայն, վստահ է, որ դրանց թիվն առաջիկայում կավելանա։

Քաղաքացիական ավիացիայի կոմտիեի ղեկավար Տաթևիկ Ռևազյանը տեղեկացրեց, որ Ryanair–ն արդեն միակը չէ։ Ռուսական «Ազիմուտ» ավիաընկերությունը բացում է չվերթ դեպի Կալուգա։ Առաջին չվերթը կիրականանա դեկտեմբերի 14-ին։

««Էյր Բալթիկն» էլ է նոր ուղղություն բացում։ Ընդհանրապես, 8 հաստատված նոր ուղղություն ունենք։ Բայց նախատեսում ենք, որ 10-ից ավելի կլինեն` մինչև ամառային սեզոնի բացումը»,– ասաց Ռևազյանը։

Վարչապետ Փաշինյանը նշեց, որ կառավարությունն այս մասին առայժմ չէր հայտարարում` թույլ տալով, որ ավիաընկերություններն իրենք առաջինը հայտարարեն իրենց նոր ուղղությունների մասին։

Հայերը մեմեր են սարքել Ryanair–ի թեմայով. #ԿոֆեՀռո՞մ, թե՞ #կոֆեԲեռլին, սա է դարդը»

Հիշեցնենք` օդի տուրքի 10 000 դրամը Պետական տուրքի մասին ՀՀ օրենքում ամրագրվել և գանձվել է 1997թ–ից։

Ըստ թեմայի

Ryanair. ինչ է իրենից ներկայացնում Հայաստան մտնող ավիաընկերությունը
Ավելի քան 19 ժամ օդում․ Qantas-ի ինքնաթիռը ռեկորդային չվերթ է իրականացրել
«Պոբեդա» ավիաընկերությունը թանկացնում է տոմսերի արժեքը. ո՞րն է խնդիրը
«Տարոն-Ավիան» դադարեցնում է գործունեությունը Հայաստանում
թեգերը:
ավիատոմսեր, ավիափոխադրող, Տաթևիկ Ռևազյան, «Զվարթնոց» օդանավակայան, թռիչք, չվերթ, ՀՀ կառավարություն, Նիկոլ Փաշինյան, Հայաստան

Գլխավոր թեմաներ