22:03 21 հունվարի 2020
Ուղիղ եթեր
  • USD479.33
  • GBP625.24
  • EUR531.82
  • RUB7.75
Տնտեսություն
Ստանալ կարճ հղումը
81 0 0

Տարածքային կառավարման և ենթակառուցվածքների փոխնախարար Հակոբ Վարդանյանը հայտարարեց, որ ԱԷԿ–ի 2 գեներատորն էլ միանգամից կանգ կառնեն։

ԵՐԵՎԱՆ, 10 դեկտեմբերի - Sputnik. Հայաստանի ատոմակայանը 2020թ.–ին 65 օրով կկանգնի վերանորոգման համար։ Այդ մասին այսօր` դեկտեմբերի 10–ին, Հայաստանի ԱԷԿ–ում լրագրողների հետ զրույցում հայտարարեց տարածքային կառավարման և ենթակառուցվածքների փոխնախարար Հակոբ Վարդանյանը։

Замминистра территориального управления и инфраструктур Акоп Варданян во время пресс-конференции на ААЭС (10 декабря 2019). Мецамор
© Sputnik / Aram Nersesyan ,
Տարածքային կառավարման և ենթակառուցվածքների փոխնախարար Հակոբ Վարդանյան

Փոխնախարարի խոսքով` պլանային վերանորոգումը կսկսվի մայիսի 15–ին։ Ատոմակայանի աշխատանքը 65 օրով ամբողջությամբ կդադարեցվի, այսինքն կանգ կառնեն միանգամից երկու գեներատորները։

Հայկական ԱԷԿ–ի կյանքը երկարացնելու «բաղադրատոմսը» պատրաստ է. մրցույթ է սպասվում

Փոխնախարարի խոսքով` առայժմ դա աշխատանքային ժամանակացույց է, այլ ոչ թե վերջնական։ Ամեն ինչ վերջնականապես պարզ կլինի արդեն հաջորդ տարի` կախված էլեկտրաէներգիայի սպառման և արտահանման դինամիկայից։

Աշխատանքների շրջանակում կայանում նախատեսվում է վերանորոգել գոլորշու սառեցման աշտարակը, ինչը կօգնի ավելի արդյունավետ պաշտպանել կայանը գերտաքացումից։

Հիշեցնենք` Հայկական ատոմակայանի հիմնանորոգումը մեկնարկել է 2017 թվականին։ 2017-18 թվականներին փոխարինվել են կայանի երկու գեներատորներն ու դրանց օժանդակ հանգույցները։ Այս տարի փոխում էին ավտոմատիկան ու պաշտպանության և վթարային սառեցման համակարգերը։ Սրանով աշխատանքը չի ավարտվում։

Հայկական կողմից պահանջվում են վճռական քայլեր. ե՞րբ Հայաստանում կհայտնվի նոր ԱԷԿ

2020 թվականին ուզում են ռեակտորի կորպուսի թրծման աշխատանքներ իրականացնել։ Դա կերկարացնի ռեակտորի ու կայանի աշխատանքի ժամկետը տեսականորեն նաև 2027 թվականից հետ։ Նախորդ և այս տարի կայանը սովորականից ավելի երկար է նորոգման մեջ եղել։ Ապրիլի 15–ից հունիսի 1–ը չէր գործում առաջին տուրբինը, հունիսից` երկուսը, այժմ երկրորդն է նորոգման մեջ։ Տարվա վերջին կայանը նորից կսկսի աշխատել ամբողջ թափով։

Ըստ թեմայի

Հայկական ատոմակայանը կարող է աշխատել մինչև 2036 թվականը. նախարար
Ի՞նչ պիտի անեն ԱԷԿ–ն ու «Էլցանցերը», որպեսզի Հայաստանում էլեկտրաէներգիան էժանանա
ԱԷԿ–ում ջրի հետ կապված խնդիրներ չեն լինի. ատոմակայանում արտեզյան հորեր են փորում
Թուրքիայում վախենում են, որ Մեծամորի ԱԷԿ–ում վթար կլինի, և «պատրաստվում» են դրան
թեգերը:
վարկ, Հակոբ Վարդանյան, Հայաստան, Հայաստանի Ատոմային էլեկտրակայան (ԱԷԿ)

Գլխավոր թեմաներ