18:45 04 հունիսի 2020
Ուղիղ եթեր
  • USD482.11
  • GBP603.94
  • EUR539.87
  • RUB6.97
Տնտեսություն
Ստանալ կարճ հղումը
17610

Դավիթ Անանյանը կրկին խոսեց պարգևավճարների մասին և մեկնաբանեց դրանց հատկացման տրամաբանությունը։

ԵՐԵՎԱՆ, 13 հունվարի — Sputnik. 2019թ.-ին ՊԵԿ-ում պարգևավճարներ ստացել են բոլորը։ Այսօր լրագրողների հետ հանդիպմանը հայտարարեց ՊԵԿ նախագահ Դավիթ Անանյանը։

«Եթե մենք ուզում ենք ունենալ պրոֆեսիոնալ անձնակազմ, գոնե պետք է մասնավոր ու պետական հատվածների մրցակցությունն ապահովենք։ Մեր մասնագետներն այսօր մասնավոր հատվածի պատրաստի տնօրեններ են, գլխավոր հաշվապահներ են, աուդիտորներ են»,- ասաց նա։

Անանյանը չթաքցրեց՝ միայն անցած տարի ՊԵԿ-ից ազատվել է 967 աշխատող, որոնցից շուրջ 400-ը՝ օպտիմալացման արդյունքում, մյուսներն անցել են այլ աշխատանքի։

Այդուհանդերձ, պետական աշխատավարձերը, նրա դիտարկմամբ, պետք է լինեն հավասարակշռված։

«Մենք չպիտի ունենանք այնպիսի աշխատավարձեր, որ սոցիալական բում առաջանա, բայց մենք պիտի ունենանք գոնե այնպիսի աշխատավարձեր, որպեսզի պետական աշխատողը կոռուպցիայի մասին չմտածի»,- ասաց Անանյանը։

Քաղաքապետը կրկին պարգևատրել է աշխատակիցներին. ծախսվել է ավելի քան 65 մլն դրամ

Հիշեցնենք` 2018թ.–ի տարեվերջին ՊԵԿ–ում միլիոնավոր դոլարների հասնող պարգևատրումների թեման լայն քննարկման առիթ էր դարձել հանրության շրջանում։

Չնայած դրան, 2019թ.–ին կառավարությունը 2.3 միլիարդ դրամով ավելացրեց ՊԵԿ–ի` 2019 թվականի պարգևատրման ֆոնդը:

Վարչապետը պետական ծառայողներին այս կերպ խրախուսելը որակեց որպես հակակոռուպցիոն քայլ։

Ըստ թեմայի

Պարգևավճարներ վճարվել են, վճարվում են ու վճարվելու են. ՊԵԿ նախագահ
«Երանի հոգով աղքատներին». Կարապետյանը կարծում է, որ պարգևավճարների թեման շահարկվում է
«Այո, պարգևավճարներ լինելու են». Ջանջուղազյանը չգիտի` այս տարի՞ էլ հարցն աղմուկի կվերածվի
թեգերը:
կոռուպցիա, բյուջե, պարգևատրում, պարգևավճար, Պետական եկամուտների կոմիտե (ՊԵԿ), Դավիթ Անանյան

Գլխավոր թեմաներ