11:46 04 օգոստոսի 2020
Ուղիղ եթեր
  • USD485.83
  • GBP633.62
  • EUR570.56
  • RUB6.57
Տնտեսություն
Ստանալ կարճ հղումը
137 0 0

ՀՀ վարչապետը ևս մեկ անգամ հստակեցրել է սպանդանոցների հանդեպ կառավարության դիրքորոշումը։

ԵՐԵՎԱՆ, 23 հունվարի — Sputnik. Մինչև փետրվարի 6-ի կառավարության նիստը գործադիր մարմինը կուսումնասիրի այն վարկատեսակներն ու լիզինգային ծրագրերը, որոնցով հնարավոր կլինի ֆինանսավորել սպանդանոցների կառուցումն ու շարժական սպանդանոցների ձեռք բերումը։ Կառավարության այսօրվա նիստում այս հայտարարությունն արեց ՀՀ վարչապետ Նիկոլ Փաշինյանը` հստակեցնելով երեկ ԱԺ–ում արդեն արված հայտարարությունը։

«Մենք խիստ վերահսկելու ենք սուպերմարկետներին ու հանրային սննդի կետերին մատակարարվող մսի որակը։ Գործող պայմանները կիրառվելու են միայն նրանց համար։ Մնացած բոլոր դեպքերում մենք պայմանավորվում ենք, որ ներկա վիճակը կարող է շարունակվել մինչև հուլիսի 1-ը։ Բայց պայմանով, որ հուլիսի 1-ից հետո ոչ մի ներում–բեկում չի լինելու»,– ասաց Փաշինյանը։

Վարչապետը հստակեցրեց, որ սուպերմարկետներում ու սննդի կետերում միս կարող են ընդունել միայն այսպես կոչված` «5-րդ ձևի» ուղեկցությամբ։ Սա այն փաստաթուղթն է, որը վկայում է սպանդանոցում կատարված մորթի ու սանիտարահիգիենիկ բոլոր չափանիշների պահպանված լինելու մասին։

Ինչպես է աշխատում սպանդանոցը, երբ անասունի թեման դժգոհության ալիք է բարձրացնում. տեսանյութ

Գործընթացի կազմակերպումը Նիկոլ Փաշինյանը հանձնարարեց փոխվարչապետ Մհեր Գրիգորյանին, ով պետք է մինչև փետրվարի 6-ի նիստը ներկայացնի բոլոր անհրաժեշտ փաստաթղթերը` նոր որոշումների կայացման համար։

Հիշեցնենք` ս.թ. հունվարի 15-ից ուժի մեջ է մտել կառավարության ընդունած որոշումը, որի համաձայն` ՀՀ ողջ տարածքում վաճառվող միսը պետք է ունենա սպանդանոցում մորթված լինելը հավաստող փաստաթուղթ, ինչն անվտանգության երաշխիք է։

Զանգվածային ակցիաներ Հայաստանում. ֆերմերները կառավարությունից պահանջում են լսել իրենց

Հունվարի 15-ին որոշման դեմ բողոքող ֆերմերները հայտարարում էին, որ սպանդանոցները մորթի դիմաց չափազանց մեծ գին են պահանջում, բացի այդ, շատ տեղերում դրանք ընդհանրապես բացակայում են, և անասուն մորթելու համար ֆերմերը ստիպված է լինում տասնյակ կիլոմետրեր անցնել։

Ըստ թեմայի

«Սպանդանոցային» ծրագիրը մտնում է օրակարգ
«Սպանդանոցային մորթն այլընտրանք չունի». Գեորգի Ավետիսյան 
Սպանդանոցների հարցին վերջնական պատասխան կտա Փաշինյանը
թեգերը:
Միս, Սպանդանոց, ՀՀ կառավարություն, Նիկոլ Փաշինյան

Գլխավոր թեմաներ