04:52 29 փետրվարի 2020
Ուղիղ եթեր
  • USD478.60
  • GBP617.68
  • EUR528.57
  • RUB7.09
Տնտեսություն
Ստանալ կարճ հղումը
Հայաստան և ԵԱՏՄ (162)
144 0 0

Հայկական բիզնեսը կարող է դուրս գալ կապիտալի մեծ շուկա, իսկ ռուսականը՝ ստանալ բարձր եկամտաբերություն։

ԵՐԵՎԱՆ, 7 փետրվարի - Sputnik. Հայկական բիզնեսը կարող է մեծ փողեր գտնել կապիտալի ռուսական շուկայում, իսկ ռուսական բիզնեսը հայկական շուկայում կարող է ապահովել մեծ եկամուտներ։ Այդ մասին Sputnik Արմենիայի հետ զրույցում ասաց Հայաստանի Ֆոնդային բորսայի գործադիր տնօրեն Հայկ Եգանյանը։

Նրա խոսքով՝ բոլոր խոսակցություններն այն մասին, որ 2014-15թթ հետո Ռուսաստանում փող չի մնացել, շատ հարաբերական են։ Ռուսաստանում հիմա հաշվվում է մոտ 500 միլիարդ դոլար դեպոզիտ։

Նա նշեց, որ Ռուսաստանում շատ կապիտալ կա, և ներդրողներ կան բոլոր հնարավոր ընկերություններում` նույնիսկ ռիսկային ձեռնարկություններում, որոնք աուդիտ չեն անցել։

Ղազախստանը չի շարունակի Հայաստանի «ավտոբիզնեսը». Մարգարյանը` ԵԱՏՄ արտոնության մասին

 «Ռիսկային կապիտալը ենթադրում է բարձր արդյունք, և կան մարդիկ, որոնք պատրաստ են ռիսկի գնալ։ Պայմանականորեն ասած, եթե մեկ միլիոն դոլար ունեն, շատերը պատրաստ են այդ միլիոնից 50 կամ 100 հազարը ներդրում անել ռիսկային ակտիվների մեջ», - հավելեց նա։

Եգանյանի կարծիքով՝ ամերիկյան և եվրոպական շուկաներում ֆինանսներն ավելի շատ են, բայց հայկական ընկերությունների համար ավելի հեշտ է աշխատել ռուսական շուկայում։ Մասնավորապես, Հայաստանի և Ռուսաստանի Կենտրոնական բանկերի համատեղ որոշմամբ՝ ռուսական բորսաներում շրջանառության մեջ դրվող արժեթղթերը կարող են հեշտությամբ վերածվել հայկականի և հակառակը։ Դրա համար երկու երկրների արժեթղթերի դեպոզիտարիաների միջև ստեղծվել է «լինք» (տեղեկատվությունը փոխանցելու ուղի)։

 «Դա վերաբերում է ռուսական շուկային։ Ռուս ներդրողներին Հայաստանում կարող է հետաքրքրել արժեթղթերի ավելի բարձր եկամտաբերությունը։ Իսկ շահութաբեր ներդրումներ, բնականաբար, բոլորն են որոնում», - հավելեց նա։

 «Ռենեսանս կապիտալ» ընկերության տնօրեն Մաքսիմ Օռլովսկին Sputnik Արմենիայի հետ զրույցում հիշեցրեց, որ հայկական բանկերն արդեն յուրացնում են կապիտալի ռուսական շուկան։ Մասնավորապես, «Արդշինբանկը» թողարկել է 300 միլիոն դոլարի 5-ամյա եվրապարտատոմսեր։ Այդ պարտատոմսերի բուքրաներներ (դրանք գնելու հայտերը գրանցողներ) են դարձել Citigroup-ը և «Ռենեսանս Կապիտալը»։

ԵԱՏՄ–ն ավելացնում է ՀՀ ներդրումային գրավչությունը. Փաշինյան

 «Մենք ծանոթ ենք հայկական շուկային, և այստեղ միանշանակ հեռանկարներ կան։ Մենք աշխատում ենք նաև արժեթղթերի այլ պոտենցիալ թողարկողների հետ, որոնց առայժմ չենք կարող նշել։ Բայց դրանք թե՛ բանկային, թե՛ ոչ բանկային կազմակերպություններ են։ Արտասահմանում հիմա կարելի է մատչելի պայմաններով պարտք վերցնել, և հայկական ընկերությունները կարող են օգտվել դրանից», - նշեց Օռլովսկին։

Բացի դրանից, նա հավելեց, որ նրանց պարտատոմսերի տոկոսները կարող են ավելի շատ նվազել, եթե Հայաստանում տնտեսական զարգացումը շարունակվի, և միջազգային գործակալությունները բարձրացնեն երկրի վարկային վարկանիշը։

Նշենք, որ ապրիլին Հայաստանի ֆոնդային բորսան պատրաստվում է Մոսկվայում անցկացնել հայկական ֆոնդային շուկայի հնարավորությունների շնորհանդես։

Նոր կանոններ` ԵԱՏՄ երկրներում սահմանով կանխիկ գումարի տեղափոխման համար. ինչ է նախատեսված

թեմա:
Հայաստան և ԵԱՏՄ (162)

Ըստ թեմայի

Հայկական բիզնեսը կարող է օգտվել ԵԱՏՄ առևտրային և արդյունաբերական հարթակներից. նախարար
Հայաստանն ուզում է դառնալ ԵԱՏՄ ոսկերչական ապրանքանիշի պատասխանատու
ԵԱՏՄ–ն ջնջում է սահմանները. տեսանյութ
Հայաստանը պատասխանատու մոտեցում է դրսևորում ԵԱՏՄ–ի նկատմամբ. դեսպան Կոպիրկին
Յուրաքանչյուր միություն ունի խճճված պատմություն. Արմեն Սարգսյանը` ԵԱՏՄ-ի մասին
թեգերը:
եվրապարտատոմս, բիզնես, Ռուսաստան, Հայաստան

Գլխավոր թեմաներ