05:52 30 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Տնտեսություն
Ստանալ կարճ հղումը
15210

Հակաիրանական պատժամիջոցներն արգելակում են նախագիծը, բայց դա չի նշանակում, որ Երևանը չպետք է ակտիվացնի դրա իրականացմանն ուղղված աշխատանքները։

ԵՐԵՎԱՆ, 4 մարտի – Sputnik. Թուրքմենստանից Հայաստան սվոփ համակարգով գազ մատակարարելու նախագիծը ձեռնտու է ինչպես այս երկու երկրներին, այնպես էլ Իրանին։ Sputnik Արմենիայի հետ զրույցում այս կարծիքը հայտնեց ՄԱԿ-ի էներգետիկայի գծով ազգային փորձագետ Արա Մարջանյանը։

Փետրվարի սկզբին ՀՀ արտգործնախարարի տեղակալ Շավարշ Քոչարյանը Sputnik Արմենիայի հետ զրույցում ասել էր, որ Թուրքմենստանից Հայաստան սվոփ համակարգով գազ մատակարարելու շուրջ բանակցությունները շարունակվում են` չնայած նախագծի իրականացմանը խանգարելու փորձերին։

«Նախագիծը միանշանակ ձեռնտու է երեք երկրներին։ Այն Հայաստանի համար նոր հնարավորություններ է ստեղծում ինչպես գազի մատակարարման դիվերսիֆիկացիայի, այնպես էլ հնարավոր տարանցման առումով», – ասաց Մարջանյանը։

Իրան–Հայաստան գործող գազատարը հիմա շահագործվում է իրական հզորության 30-35%–ով։ Գազը էլեկտրաէներգիայով փոխարինելու մասին պայմանագիրը ենթադրում է, որ Իրանից մատակարարվող յուրաքանչյուր 1 խմ բնական գազի դիմաց Իրան է առաքվում 3 կՎտ/ժ էլեկտրաէներգիա։

Փոխանակումն ընդլայնելու համար պետք է երրորդ էլեկտրահաղորդման գիծը կառուցել, նաև արդիականացնել Հայաստանի որոշ գեներացնող հզորությունները։

«Օրինակ` «Հրազդան» ՋԷԿ–ը սվոփի դեպքում իրանական գազն այրելու համար օգտագործելն արդյունավետ չէ։ Այլ հարց է Երևանի ՋԷԿ–ը, այն շատ ավելի արդյունավետ է գործում», – ասաց Մարջանյանը։

Նրա խոսքով` Թուրքմենստանի ու Իրանի միջև խնդիր չի առաջանա, եթե հարցը գազով փոխարինելով սահմանափակվի, ու գործը չհասնի գնագոյացմանը։

Իրանի հետ էներգետիկ նախագծերի իրականացումը դանդաղում է արտաքին ճնշման ու պատժամիջոցների պատճառով։ Դրա հետևանքով զգալիորեն դանդաղում է նաև էլեկտրահաղորդման գծի կառուցումը։ Եվ այդ խնդիրն ավելի կսրվի, եթե խոսվի ավելի խոշոր նախագծերի մասին։

Մյուս կողմից էլ` փորձագետը հորդորում է ակտիվորեն աշխատել այդ նախագծի իրականացման ուղղությամբ։

«Հայաստանի պարագայում գազի գնագոյացումն ունի նաև աշխարհաքաղաքական ենթատեքստ». Մարջանյան

Նշենք` սվոփ համակարգով Թուրքմենստանից Հայաստանի գազ գնելը ենթադրում է, որ Աշխաբադը վառելիք է մատակարարելու Իրանի հյուսիսային շրջաններ, իսկ Թեհրանն իր հերթին գազը Երևան է մատակարարելու։

Ըստ թեմայի

Իրան-Հայաստան գազատարը կարող է նավթ մատակարարել Մեղրիի նավթավերամշակող գործարանին
«Արդեն սկսել եմ գազի մասին հարցերից հաճույք ստանալ». փոխվարչապետ
Գազի գնի հարցը քննարկվել է Փաշինյան-Միշուստին հանդիպման ժամանակ. Քոչարյան
թեգերը:
Թուրքմենստան, Իրանի Իսլամական Հանրապետություն, Հայաստան

Գլխավոր թեմաներ