21:02 09 ապրիլի 2020
Ուղիղ եթեր
  • USD493.10
  • GBP612.97
  • EUR536.59
  • RUB6.66
Տնտեսություն
Ստանալ կարճ հղումը
Կորոնավիրուսը Չինաստանում և աշխարհում (515)
25501

ՀՀ վարչապետ Նիկոլ Փաշինյանը խոսեց այն քայլերի մասին, որոնցով հնարավոր կլինի մարել սոցիալական «հրդեհը»։

ԵՐԵՎԱՆ, 18 մարտի — Sputnik. Առաջիկայում կառավարությունը 150 մլրդ դրամի աջակցություն կցուցաբերի տնտեսությանը. «Շանթ» հեռուստաընկերության եթերում հայտնեց ՀՀ վարչապետ Նիկոլ Փաշինյանը։

«25 մլրդ դրամ կհատկացնենք այն ընկերություններին, որոնք հայաստանյան բանկերից վարկ կվերցնեն իրենց աշխատողների աշխատավարձը վճարելու, կոմունալ վճարումներն անելու, հումք ձեռք բերելու համար։ Այդ ընկերությունների վարկի 50 տոկոսը կառավարությունը կհամաֆինանսավորի` 0 տոկոսով, իսկ բանկի հատվածի տոկոսը կսուբսիդավորի, որպեսզի դա էլ լինի 0 տոկոսով»,–ասաց նա։

Վարչապետի խոսքով` սա շատ լավ ժամանակ է, որպեսզի աջակցեն գյուղատնտեսության ոլորտին։ Գյուղատնտեսական ոլորտի վարկերը պետք է սուբսիդավորեն այնքան, որ դրանք հասնեն 0 տոկոսի։ Այսինքն` 0 տոկոսանոց վարկեր կտան գյուղատնտեսությանը։ Փաշինյանի նշեց, որ գաղտնիք չէ` մարդիկ կորոնավիրուսի ժամանակ էլ, հետո էլ սնվում են։

Բացի այդ, 30 մլրդ դրամի փաթեթ են պատրաստել սոցիալական հրատապ աջակցության համար, որպեսզի բացառեն, որ մարդիկ սոցիալական գահավիժում ունենան։ Փաշինյանը մանրամասնեց, որ խոսքը հասցեական աջակցության մասին է։ Սա, ըստ նրա, հնարավոր սոցիալական «հրդեհը» մարելու համար է։

ԱԱԾ-ի և ոստիկանության ղեկավարների մասով Փաշինյանը որոշում է կայացրել

ՀՀ վարչապետը նշեց, որ քաղաքացին և բիզնեսը պետք է վստահ լինեն, որ պետությունը կանգնելու է իրենց կողքին։ «80 մլրդ դրամ կտրամադրվի այն նախագծերին, որոնք կլինեն նորարարական. այդ ընկերությունները պետք է իրենք իրենց և ՀՀ-ին նախապատրաստեն նոր աշխարհին։ Խնդիրն այն է, որ չենք կարող կանխատեսել, թե ինչպիսին կլինի հետկորոնավիրուսային աշխարհը, և անսահման գումար կտրամադրենք նրանց, ովքեր կզբաղվեն ապագան կանխատեսելով և նախագծելով»,–ասաց վարչապետը։

Ջերմաչափում, ստուգում և խորհուրդներ. ինչպես է աշխատում Էջմիածնի հսկիչ կետը. տեսանյութ

Նշենք, որ Հայաստանում կորոնավիրուսով վարակվելու դեպքերը մարտի 18–ի դրությամբ 102–ն են:

Կորոնավիրուսի առաջին դեպքի մասին հայտնի դարձավ մարտի 1-ի վաղ առավոտյան. վարակվածը 29-ամյա տղամարդ էր, որն Իրանից Հայաստան էր ժամանել փետրվարի 28-ին: Նա արդեն դուրս է գրվել հիվանդանոցից։ Հայաստանում մարտի 16–ից ապրիլի 14-ը արտակարգ դրություն է հայտարարվել։

թեմա:
Կորոնավիրուսը Չինաստանում և աշխարհում (515)

Ըստ թեմայի

Երևանում շենքերի մուտքերն ու վերելակներն ախտահանվում են. լուսանկարներ
Ոստիկանությունը հորդորում է սահմանված քանակից ավել ուղևորներ չտեղափոխել. տեսանյութ
Էջմիածինն այլևս ռիսկի գոտի չէ. քաղաքի մուտքերը կբացվեն
թեգերը:
կորոնավիրուս, ՀՀ կառավարություն, կառավարություն, Նիկոլ Փաշինյան

Գլխավոր թեմաներ