02:41 28 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Տնտեսություն
Ստանալ կարճ հղումը
475 0 0

ՀՀ Կենտրոնական բանկը հրապարակել է երկրում ռուբլու և դոլարի գնման և վաճառքի մասին տվյալները:

ԵՐԵՎԱՆ, 20 մարտի - Sputnik. Հայաստանի բանկերում հաճախորդները երկրորդ շաբաթն անընդմեջ ավելի շատ գնում են ռուսական ռուբլի, քան վաճառում: Բանկերում ևս նույն պատկերն է։

Կենտրոնական բանկի վիճակագրության համաձայն՝ մարտի 9-13-ը բանկերը հաճախորդներից գնել են մոտ 802 միլիոն ռուբլի, և վաճառել ավելի քան երկու անգամ ավելին՝ 1 միլիարդ 790 միլիոն: Առքուվաճառքի միջին փոխարժեքը 6.65 և 6.83 է:

Անցած շաբաթվա ընթացքում՝ մարտի 16-20-ը, բանկերը հաճախորդներից գնել են 928 միլիոն ռուբլի, վաճառել 1 միլիարդ 529 միլիոն: Առքուվաճառքի միջին փոխարժեքը կազմել է 6.45 և 6.56 դրամ:

Ռուսաստանից (Հայաստանի խոշորագույն առևտրային գործընկեր) ապրանքների ներմուծումը շարունակվում է, փոխարժեքի իջեցումից այն ավելի ձեռնտու է դառնում։ Եթե, օրինակ, ապրանքը 1000 ռուբլի արժե, ապա դրամով հաշվարկելու դեպքում այն 300-ով ավելի էժան է ստացվում, քան մեկ շաբաթ առաջ։

Քաղաքացիներն ահազանգում են. բանկերը միշտ չէ, որ համաձայնում են հետաձգել վճարումները

Բայց դեպի Ռուսաստան ապրանք արտահանողները, ընդհակառակը, ավելի վատ վիճակում են հայտնվել։ Եթե մեկ շիշ կոնյակի արժեքը 10 հազար դրամ էր, ապա ռուբլով հաշվարկելիս այն երեք հարյուր ռուբլիով ավելի թանկ է ստացվում:

Այնուամենայնիվ, հայ արտահանողների համար դժվարությունները նույնը չեն, ինչ կարող են լինել ամռանը, երբ սկսվի մրգերի և բանջարեղենի արտահանման սեզոնը:

Դեռևս վաղ է խոսել ռուբլու զանգվածային գնման մասին. Նման կարճ ժամանակահատվածների համար որևէ եզրակացություն չի կարելի անել (շաբաթվա կտրվածքով վաճառքի նման փոփոխությունները ավելի վաղ ևս նկատվել էին): Թե ինչպես է կորոնավիրուսն ազդել արժույթի առքուվաճառքի վրա, հնարավոր կլինի դատել միայն ապրիլի կեսերին:

Ինչ վերաբերում է դոլարի աճող փոխարժեքին, ապա այստեղ նույնպես զանգվածային գնում չկա. գնման և վաճառքի միջև եղած տարբերությունը չի գերազանցում սովորականի տեմպերը: Մարտի 9–13-ն ընկած ժամանակահատվածում բանկերը գնել են 111 միլիոն դոլար, վաճառել՝ 135 միլիոն, իսկ մարտի 6–20 – ն ընկած ժամանակահատվածում առքուվաճառքը կազմել է համապատասխանաբար 86 և 92 միլիոն: Գնման միջին փոխարժեքն աճել է 482.7-ից մինչև 489.6 դրամ, իսկ վաճառքի փոխարժեքը ՝ 484.7-ից մինչև 493.0 դրամ:

Ըստ թեմայի

Բանկերն այնպես կանեն, որ հաճախորդները չկանգնեն վարկերի մարման խնդրի առաջ. Փաշինյան
Հասունանում է համաշխարհային նոր ճգնաժամ. որ ոլորտն է ամենառիսկայինը
ՀՀ կենտրոնական բանկը հավաքում է «կորոնավիրուսոտ» փողերը
թեգերը:
արտահանում, դոլար, Բանկ, Կենտրոնական բանկ (ԿԲ), Հայաստան

Գլխավոր թեմաներ