22:19 02 հունիսի 2020
Ուղիղ եթեր
  • USD482.49
  • GBP606.25
  • EUR539.28
  • RUB7.02
Տնտեսություն
Ստանալ կարճ հղումը
133 0 0

ՀՀ ՊԵԿ փոխնախագահն Ազգային ժողովում հայտարարեց, որ Հայաստանը պատրաստ է ցանկացած էլեկտրոնային համակարգի, միայն թե դադարեցվի ապրանքների ֆիզիկական զննման տարբերակը:

ԵՐԵՎԱՆ, 22 մայիսի - Sputnik. Այսօր ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում «Եվրասիական տնտեսական միության մաքսային տարածք ներմուծված ապրանքների հետագծելիության մեխանիզմի մասին» համաձայնագիրը վավերացնելու մասին նախագծի ներկայացման ժամանակ ՀՀ ՊԵԿ նախագահի տեղակալ Միքայել Փաշայանը հույս հայտնեց, որ Վերին Լարսում կուտակումներ այլևս չեն լինի: 

«Մենք ամեն ինչի պատրաստ ենք, միայն Վերին Լարսի անցակետում չլինեն կանգնածներ: Մենք պատրաստ ենք ցանկացած էլեկտրոնային համակարգի, միայն թե դուրս գանք ապրանքների ֆիզիկական զննումից»,- ասաց Փաշայանը:

Ու թեև Հայաստանից ԵՏԱՄ երկրներ տանող ցամաքային ճանապարհն անցնում է Վրաստանի տարածքով, բայց վրացական կողմը, Փաշայանի խոսքով, Հայաստանի հետ ունի փոխըմբռնման հուշագիր, որով համաձայնել է ճանաչել ԵԱՏՄ տարածքում ներդրվող միասնական էլեկտրոնային կապարակնքման համակարգը:

Փաշայանը հայտնեց, որ ԵԱՏՄ-ում այսօր գործում է երկու տեսակի հետագծելիություն՝ թղթային ու ֆիզիկական: Իսկ միասնական էլեկտրոնային կապարակնքման պարագայում ավտոմեքենան մի երկրից դուրս գալուց հետո ԵԱՏՄ տարածքի որևէ այլ երկրում, իսկ Հայաստանի պարագայում նաև Վրաստանում, որևէ զննության այլևս չի ենթարկի:

ՊԵԿ փոխնախագահը նաև հայտնեց, որ Էլեկտրոնային կապարակնիքները վերահսկվելու են էլեկտրոնային Glonass ծրագրով, ինչը թույլ է տալու վերահսկել ավտոմեքենայի անցած ուղին ու բացառել հնարավոր բոլոր ռիսկերը:

Վերին Լարսից սկսել են օգտվել նաև թուրքական բեռնատարները. ե՞րբ կլուծվի կուտակման խնդիրը

Հետագծելիության ազգային համակարգի կառավարման համար համաձայնագրի վավերացումից հետո կստեղծվի մասնավոր օպերատոր, կամ այդ գործառույթը պետությունը կվերցնի իր վրա: 

Հանձնաժողովը քննարկման արդյունքում համաձայնություն տվեց նախագծին, և այն առաջիկայում կներառվի ԱԺ լիագումար նիստի օրակարգում:

Հայկական բեռնատարները ե՞րբ կկարողանան անցնել Վերին Լարսի «կանաչ միջանցքով»

Ըստ թեմայի

«Վերին Լարսի» անցակետն ու թղթի վրա մնացած համաձայնագիրը. ե՞րբ կլուծվի բազմաչարչար խնդիրը
Վերին Լարսում կնստի դեսպանատան նոր պաշտոնյան. Հայաստանը որոշել է նոր հաստիք բացել
Բեռնափոխադրողներին Լարսում ավելի շատ խանգարել են բնակլիմայական պայմանները, ոչ թե վարակը
թեգերը:
Միքայել Փաշայան, բեռնափոխադրում, բեռնատար, Ռուսաստան, Վրաստանի Հանրապետություն, Պետական եկամուտների կոմիտե (ՊԵԿ), ԱԺ, ՀՀ Ազգային ժողով, Հայաստան, Վերին Լարս

Գլխավոր թեմաներ