05:23 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Տնտեսություն
Ստանալ կարճ հղումը
464 0 0

Գյուղատնտեսությամբ և անասնապահությամբ զբաղվող Տեղ գյուղական բնակավայրում դեռ չէին վերջացրել բերքահավաքը։

ԵՐԵՎԱՆ, 13 սեպտեմբերի - Sputnik. Սյունիքի մարզի Տեղ գյուղում երեկ տեղացած առատ կարկուտը մեծ վնասներ է պատճառել գյուղատնտեսությանը։ Տեղեկությունը հայտնում է Տեղի համայնքապետարանը։

Կարկուտը դարձյալ «չոքել է» գյուղացու դուռը. Լոռիում հակակարկտային կայանների կարիք ունեն

«Երեկ կեսօրին տեղացած առատ անձրևին հաջորդել է կարկուտը, որը մեծ վնասներ է հասցրել։ Հիմնականում գյուղատնտեսությամբ և անասնապահությամբ զբաղվող գյուղական բնակավայրում դեռ չէին վերջացրել բերքահավաքը»,–նշված է հաղորդագրության մեջ։Կարկուտը փչացրել է գյուղի հասուն բերքն ու բարիքը։

Հիշեցնենք, որ օգոստոսի վերջին ուժեղ կարկուտ էր տեղացել Լոռու մարզի Ջրաշեն համայնքում։ Իսկ հունլիսի 13–ին՝ Հայաստանի հյուսիսային մայրաքաղաք Գյումրիում մոտ 20 րոպե տեղացած կարկուտն աննախադեպ էր ոչ միայն իր տևողությամբ, այլև ուժգնությամբ։ Ամպրոպը, կայծակը և քամու ուժեղ պոռթկումները հիշեցնում էին աշխարհի վերջի մասին հոլիվուդյան ֆիլմերի սարսափելի կադրերը։ Կարկուտին հաջորդել էր հորդառատ անձրևը։ Ընդամենը մի քանի րոպեում ճանապարհներին գետեր էին գոյացել, Շիրակի մի շարք համայքներում հորդառատ անձրևն ու կարկուտը կաթվածահար էին արել Գյումրու երթևեկությունը: Անձրևի պատճառով հատկապես դժվարանցանելի էին դարձել քաղաք մտնող ճանապարհներն ու կենտրոնական փողոցները։ Տներն ու նկուղները ջրով էին պատվել։

թեգերը:
բերք, Կարկուտ, Հայաստան

Գլխավոր թեմաներ