02:59 24 սեպտեմբերի 2020
Ուղիղ եթեր
  • USD485.42
  • GBP618.13
  • EUR568.62
  • RUB6.36
Տնտեսություն
Ստանալ կարճ հղումը
84 0 0

Վարչապետը համոզված է, որ սա ոչխարաբուժությունը Հայաստանի գյուղատնտեսության հեռանկարային ճյուղերից մեկն է, որը նաև աղքատության հաղթահարման շատ արդյունավետ գործիք կարող է դառնալ

ԵՐԵՎԱՆ, 16 սեպտեմբերի - Sputnik. 2020 թվականի հունվար-հուլիս ամիսներին Հայաստանից կենդանի ոչխարի եւ այծի արտահանումը նախորդ տարվա նույն ժամանակահատվածի համեմատ աճել է 256 տոկոսով. արտահանվել է շուրջ 41 հազար գլուխ մանր եղջերավոր կենդանի, ընդհանուր առմամբ շուրջ 3.4 միլիոն դոլարի: Տեղեկությունը Facebook-ի իր էջում հայտնել է ՀՀ վարչապետ Նիկոլ Փաշինյանը:

Հայաստանում նոր զարկ է ստանում ոչխարաբուծությունը
© Sputnik / Ամալյա Պապյան, Արման Ղարիբյան

«Այս աճը ուղիղ արդյունք է կառավարության ձեռնարկած մի շարք քայլերի և մանր եղջերավոր անասունների արտահանումը օգուտներ է բերում բազմաթիվ տնտեսվարողների, ովքեր անսացել են ոչխար պահելու իմ հորդորներին»,- գրել է նա:

Վարչապետը պնդում է, որ ոչխարաբուծությունը Հայաստանի գյուղատնտեսության հեռանկարային ճյուղերից մեկն է, որը նաև աղքատության հաղթահարման շատ արդյունավետ գործիք կարող է դառնալ, եթե, իհարկե, մեր բազմաթիվ գյուղերում բազմաթիվ գյուղացիներ ուժերը միավորելու, գյուղացիական կոոպերատիվներ ստեղծելու և կառավարության ընձեռած հնարավորություններից օգտվելու կամք ցուցաբերեն:

Գյուղատնտեսության աճն ու մթերման հետ կապված անորոշությունը, կամ «ճտերն աշնանն են հաշվում»

Փաշինյանը ևս մեկ անգամ ընդգծել է, որ ՀՀ կառավարությունն ամեն կերպ քաջալերելու է, որ գյուղատնտեսության այս ճյուղը Հայաստանում զարգանա:

Հիշեցնենք, որ ՀՀ վարչապետ Նիկոլ Փաշինյանն այս տարվա փետրվարին կառավարության նիստի ժամանակ հայտարարել էր, որ երկրում մանր եղջերավոր անասունների արտահանման հսկայական ներուժ կա։ Սակայն Հայաստանի գյուղացիական տնտեսությունները, ըստ կառավարության ղեկավարի, այսօր ի վիճակի չէ ապահովել այդ ներուժի իրացումը։ Արդյունքում գործարարները ստիպված են միս գնել երրորդ երկրներից և վերաարտահանել այն։

Ըստ թեմայի

Ժամանակակից գյուղատնտեսությունն ու հող մշակող IT մասնագետը. Sputnik-ի Հայկ Մելքոնյանը
Մարգարյան. «Գյուղատնտեսությունը ռազմական արդյունաբերությանը հավասար ոլորտ է»
Տնտեսությունն աճում է, գյուղատնտեսությունը` անկում ապրում, խոպան գնացողները պակասել են. ԿԲ
թեգերը:
գյուղատնտեսություն, արտահանում, ոչխար, Նիկոլ Փաշինյան, Հայաստան

Գլխավոր թեմաներ