09:57 29 հուլիսի 2021
Ուղիղ եթեր
  • USD482.32
  • GBP669.27
  • EUR570.01
  • RUB6.56
Տնտեսություն
Ստանալ կարճ հղումը
683 0 0

Թուրքիայից արդեն իսկ մեծ քանակությամբ ապրանքներ ներկրած գործարարներն ու անհատ ձեռներեցները, ովքեր զգալի ծախսեր են կատարել, այժմ դժվարությունների առաջ են կանգնած դրանց սպառման առումով։

ԵՐԵՎԱՆ, 22 հոկտեմբերի - Sputnik. Հայաստանի արդյունաբերողների ու գործարարների միության նախագահ Արսեն Ղազարյանը հայտարարություն է տարածել, որտեղ հայ սպառողներին կոչ է արել չբոյկոտել Թուրքիայից արդեն Հայաստան ներկրված ապրանքները։

«Արդեն Հայաստանում գտնվող ապրանքները բոյկոտելով, մենք ոչ թե վնասում ենք թուրքական կողմին, այլ դժվար կացության մեջ դնում հայաստանցի ներկրողներին, որոնցից շատերն ունեն նաև վարկային պարտավորություններ։ Ուստի, ևս մեկ անգամ հաստատելով այսուհետ Թուրքիայից ապրանքների ներկրումը դադարեցնելու անհրաժեշտության մեր համոզմունքը՝ հայաստանցի սպառողներին կոչ ենք անում ըմբռնողականություն ցուցաբերել և չխոչընդոտել արդեն իսկ ներկրված ապրանքների սպառմանը»,– նշում է Ղազարյանը։

Նա նաև հայտնում է, որ Թուրքիայից արդեն իսկ մեծ քանակությամբ ապրանքներ ներկրած գործարարներն ու անհատ ձեռներեցները, ովքեր զգալի ծախսեր են կատարել, այժմ դժվարությունների առաջ են կանգնած դրանց սպառման առումով։

Թուրքիայում կորոնավիրուսի երկրորդ ալիքը հասել է իր գագաթնակետին

Միաժամանակ Արսեն Ղազարյանը նաև կոչ է անում հայրենական արտադրողներին և թուրքական շուկայի հետ մինչ այս աշխատած գործարարներին օր առաջ դրսևորել նախաձեռնողականություն, հաստատել նոր գործարար կապեր, համագործակցել արտերկրի նոր շուկաների հետ՝ հայաստանցի սպառողներին անհրաժեշտ ապրանքների պահանջարկը լիարժեք բավարարելու համար։

Հիշեցնենք` հոկտեմբերի 20-ին Հայաստանի Հանրապետության կառավարությունը որոշում էր ընդունել արգելելու թուրքական ծագում ունեցող ապրանքների ներմուծումը։ Որոշումն ուժի մեջ կմտնի 2020 թվականի դեկտեմբերի 31-ից:

Սեպտեմբերի 27-ից Արցախի դեմ թուրք–ադրբեջանական ու ահաբեկչական ուժերի սանձազերծած պատերազմի առաջին իսկ օրերից հայաստանյան սպառողներն ու խոշոր առևտրի ցանցերն արշավ սկսեցին թուրքական ապրանքների վաճառքի դեմ։

Ի պատասխան հանրային դժոգհության՝ ՀՀ էկոնոմիկայի նախարարությունը համապատասխան որոշման նախագիծ ներկայացրեց հանրային քննարկման։ Իսկ հոկտեմբերի 20-ին այն արդեն ընդունվեց ՀՀ կառավարության կողմից։

Նշենք, որ 2019 թվականին Թուրքիայից Հայաստանի Հանրապետություն ներմուծումն ըստ ծագման երկրի հատկանիշի կազմել է 268.1 մլն ԱՄՆ դոլար։

Թուրքիայից մեր երկիր հիմնականում ներմուծվում է hագուստ (69.4 մլն դոլար), ցիտրուսային մրգեր (10.3 մլն դոլար), մեքենաներ, սարքավորումներ և մեխանիզմներ` էլեկտրական ջեռուցիչ, սառնարան (35.3 մլն դոլար), նավթ և նավթամթերք (24.3 մլն դոլար), քիմիայի և դրա հետ կապված այլ նյութեր։

Ըստ թեմայի

Թուրքական ապրանքի ներմուծումը կարգելվի՞. Հայաստանի կառավարությանը նախագիծ է ներկայացվել
Խոցված թուրքական ԱԹՍ-ի տեսախցիկն արտադրվել է Կանադայում. մանրամասներ
«Viasat» ընկերությունը դադարեցնում է թուրքական «Բայրաքթար» ԱԹՍ–ների մասերի մատակարարումը
թեգերը:
ներմուծում, Հայաստան, Թուրքիա

Գլխավոր թեմաներ