10:13 08 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Տնտեսություն
Ստանալ կարճ հղումը
260 0 0

Նիկոլ Փաշինյանը կառավարության նիստը սկսել է, իր բնորոշմամբ, դրական լուրով` կառավարության թողարկած 750 մլն դոլարի եվրապարտատոմսերի մասին։

ԵՐԵՎԱՆ, 4 փետրվարի - Sputnik. 2021թ–ի տնտեսական տարին Հայաստանը սկսել է շատ ուժեղ դրական ազդակով։ Նման հայտարարություն այսօր ՀՀ կառավարության հերթական նիստում արեց ՀՀ վարչապետ Նիկոլ Փաշինյանը։

Իսկ դրական ազդակը, նրա դիտարկմամբ, ՀՀ կառավարության թողարկած 750 մլն դոլարի եվրապարտատոմսերն են։

«Շատ կարևոր է, որ թողարկումը տեղի է ունեցել ՀՀ պատմության մեջ ամենանպաստավոր պայմաններով` ամենացածր տոկոսով։ Սա, իհարկե, շատ կարևոր ազդակ է մեր տնտեսության համար. առաջինը` սրանով մակրոտնտեսական կայունության երաշխիք է ձևավորվել, երկրորդ` կարող ենք ասել, որ հետպատերազմյան շոկի հաղթահարման առաջին լրջագույն ազդակն է, ինչը նաև վկայում է, որ միջազգային ներդրողները վստահություն են տածում ՀՀ ապագայի և ՀՀ կառավարության կողմից վարվող տնտեսական քաղաքականության նկատմամբ»,– ասաց Փաշինյանը։

Վարչապետը նաև շեշտեց, որ պարտատոմսերի թողարկումը որևէ արտակարգ բան չէ։ Այն նախատեսված է եղել ՀՀ 2021թ–ի բյուջեի դեֆիցիտի ֆինանսավորման գործիքակազմում։

Փաշինյանը հույս հայտնեց, որ այդ դրական ազդակը շղթայական ռեակցիա կառաջացնի։

Դրական ազդակների շարքում Փաշինյանը նշեց նաև, այն, որ թողարկված նոր պարտատոմսերը բավական մեծ պահանջարկ են ունեցել` շուրջ 3 մլրդ–ի։ Բայց կառավարությունը որոշել է բավարարվել 750 մլն դոլարով։

Որն է տնտեսական ձախողման հիմնական պատճառը. Ավետիսյանը` կառավարության քաղաքականության մասին

Նշենք, որ 2021թ–ին թողարկված եվրապարտատոմսերը Հայաստանի համար արդեն չորրորդն են։ Երրորդը թողարկվել էր 2019 թվականին ՝ 500 մլն դոլար ծավալով, 10 տարի ժամկետով, երկրորդը` 2015թ–ին, 500 մլն դոլար ծավալով ու դարձյալ 10 տարի ժամկետով, իսկ առաջինը` 2013 թվականին` 700 մլն դոլար չափով՝ 7 տարի ժամկետով: Առաջին տրանշի եկամտաբերությունը կազմել է 6.25%, արժեթղթերը մարվել են մինչև 2020 թվականի սեպտեմբերի 30-ը: Երկրորդ տրանշի եկամտաբերությունը` 7,5%, երրորդինը` 4,625%, չորրորդ` վերջին պարտատոմսերը թողարկվել են 3.8%-ով։

Նշենք, որ եվրաբոնդերի թողարկման մասին մամուլում առկա վերլուծություններում հիմնական շեշտը դրվում էր այն բանի վրա, որ այդ 750 մլն դոլարը կազմում է ՀՀ տարեկան  բյուջեի հարկային մուտքերի 30 տոկոսը, որն, ըստ մեկնաբանությունների, մեծ բեռ է լինելու ՀՀ տնտեսության համար։

թեգերը:
եվրապարտատոմս, տնտեսություն, Նիկոլ Փաշինյան, Հայաստան

Գլխավոր թեմաներ