22:17 08 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Տնտեսություն
Ստանալ կարճ հղումը
Հայաստան և ԵԱՏՄ (238)
105 0 0

Գործող պայմանագիրը գործում է 1,5 տարուց մի փոքր պակաս և նախատեսված է 3 տարվա համար։ Առայժմ այն ակնկալվող արդյունքների չի հանգեցրել, բայց օբյեկտիվ պատճառներ կան՝ COVID-ի և արևմտյան պատժամիջոցների հետևանքով իրանական բանկերը չեն կարող միանալ SWIFT վճարային համակարգին:

ԵՐԵՎԱՆ, 4 փետրվարի – Sputnik. Եվրասիական միության և Իրանի նոր առևտրային համաձայնագրի շուրջ բանակցությունները կմեկնարկեն արդեն փետրվարին։ Այս մասին Նուր– Սուլթանում Եվրասիական տնտեսական հանձնաժողովի նախարարների առցանց ճեպազրույցի ժամանակ հայտարարել է ԵԱՏՀ նախարար Անդրեյ Սլեպնյովը՝ պատասխանելով Sputnik Արմենիայի հարցին։

Член Коллеги (министр) по торговле Евразийской экономической комиссии Андрей Слепнев
© Sputnik / Виталий Аньков
Անդրեյ Սլեպնյով

ԵԱՏՄ-ի և Իրանի միջև արտոնյալ առևտրի ժամանակավոր համաձայնագիրն ուժի մեջ է մտել 2019 թվականի հոկտեմբերին, սակայն առևտրի ծավալներում դեռևս զգալի աճ չի տվել: Մասնավորապես, Հայաստանից արտահանումը նախկինի պես գրեթե ամբողջությամբ բաղկացած է գառան մսից և Իրանի հետ էլեկտրաէներգիայի սեզոնային փոխհոսքերից (գարնանը էլեկտրականությունը մատակարարվում է Իրան, աշնանը և ձմռանը՝ ստացվում այնտեղից)։ Որոշ ապրանքների հետ կապված սպասումները, որոնք Հայաստանը ցանկանում էր համաձայնագրի արդյունքում առաջ մղել իրանական շուկայում, դեռ չեն արդարացել։

Սլեպնյովը նկատել է, որ դա մասամբ կարող է կապված լինել կորոնավիրուսի տարածման հետ։ Բայց կա նաև այլ` COVID-ից անկախ խնդիր․ խոսքը վճարումների հետ կապված բարդությունների մասին է, քանի որ արևմտյան երկրների պատժամիջոցների պատճառով իրանական բանկերը չեն կարող օգտվել միջբանկային տվյալների փոխանցման SWIFT միջազգային համակարգից:

«Ճիշտ է, հիմա՝ ԱՄՆ-ում վարչակազմի փոփոխության հետ, կարելի է ենթադրել, որ պատժամիջոցների ռեժիմում արևմտյան երկրները կվերադառնան նախնական դիրքի` այսինքն 2015թ․-ի համապարփակ համաձայնությանը»,-ավելացրեց Սլեպնյովը։

Իր հերթին Եվրասիական հանձնաժողովն արդեն այս ամիս իրանցի գործընկերների հետ խորհրդակցություններ կսկսի նոր համաձայնագրի ստորագրման շուրջ, քանի որ ժամանակավոր համաձայնագիրը նախատեսված է երեք տարվա համար:

Հիշեցնենք, որ 2015 թվականին Վիեննայում ստորագրված Գործողությունների համապարփակ ծրագրի համաձայն` Իրանը համաձայնագիր է կնքել ՄԱԿ-ի Անվտանգության խորհրդի մշտական անդամների և Գերմանիայի, ինչպես նաև Եվրասիական միության հետ։ Կողմերը պայմանավորվել են վերահսկել Իրանի միջուկային ծրագիրը և չեղարկել նրա դեմ տնտեսական պատժամիջոցները։

ԵԱՏՄ երկրների տնտեսությունները դիմակայել են կորոնավիրուսային ճգնաժամին․ ԵԱՏՀ նախարար

ԵԱՏՄ-ի և Իրանի միջև արտոնյալ առևտրի մասին համաձայնագիրն ուժի մեջ է մտել 2019 թվականի հոկտեմբերի վերջին և նախատեսված է երեք տարվա համար:

Ըստ համաձայնագրի` կողմերը նվազեցրել են միմյանց համար մաքսատուրքերը մի շարք ապրանքային խմբերի համար, մասնավորապես այն ապրանքների, որոնք ներառում են Եվրասիական միության արտահանման 55%-ը և Իրանից ԵԱՏՄ արտահանման 49%-ը: Մասնավորապես, ԵՏՄ երկրները շահավետ պայմաններ են ստացել մսի, յուղի և ճարպերի, մետալուրգիական արտադրանքի, կոսմետիկայի արտահանման համար: Հայաստանի համար հետաքրքրություն են ներկայացնում հանքային ջրերի, քաղցրավենիքի, շոկոլադի, ոսկերչական իրերի, ինչպես նաև էլեկտրոնային և մեխանիկական սարքավորումների որոշ տեսակների արտահանման շահավետ պայմանները:

Այս ապրանքների համար Իրանը ոչ միայն նվազեցրել է մաքսատուրքերը, այլև պարտավորվել է չկիրառել ոչ սակագնային միջոցներ (սանիտարական և այլ նորմատիվ խոչընդոտներ), որոնք կարգելափակեին այդ ապրանքների մուտքը երկիր:

Իրանական կողմն իր հերթին արտոնություններ է ստացել բանջարեղենի և մրգերի, ինչպես նաև մի շարք շինանյութերի, գունավոր մետաղներից պատրաստված որոշ իրերի, սպասքի և գորգերի արտահանման համար:

ԵԱՏՄ տարածքում նավթի ու գազի ընդհանուր շուկաներ են ձևավորվում. Պուտին

թեմա:
Հայաստան և ԵԱՏՄ (238)

Ըստ թեմայի

ԵԱՏՄ երկրների գլխավոր սանիտարական բժիշկները պայմանավորվածություն են ձեռք բերել
ԵԱՏՄ–ում քաղաքացիների թոշակը հաշվարկելիս կգումարվի նաև անդամ երկրներում ունեցած ստաժը
Երկրորդը ԵԱՏՄ-ում. Հայաստանում մանրածախ առևտրի շրջանառության ցուցանիշը նվազել է
թեգերը:
տնտեսություն, Հայաստան, Եվրասիական տնտեսական միություն (ԵԱՏՄ), Իրանի Իսլամական Հանրապետություն

Գլխավոր թեմաներ