19:45 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Տնտեսություն
Ստանալ կարճ հղումը
113 0 0

Այդուհանդերձ, ԿԲ նախագահի տեղակալը չի հերքել, որ դոլարը շարունակում է արժևորվել, ինչն էլ իր հերթին հանգեցնում է գնաճի։

ԵՐԵՎԱՆ, 6 ապրիլի – Sputnik. Դոլարի փոխարժեքի բարձրացման ու որպես դրա հետևանք Հայաստանում գրանցվող գնաճային իրավիճակը կառավարելի է։ Այս մասին այսօր ԱԺ Ֆինանսավարկային և բյուջետային հարցերի մշտական հանձնաժողովի նիստում հայտարարեց ՀՀ կենտրոնական բանկի նախագահի տեղակալ Ներսես Երիցյանը` պատասխանելով պատգամավոր Սերգեյ Բագրատյանի հարցին։

«Իրավիճակը կառավարելի է, հակառակ դեպքում ես այսօր չէի գա, կզբաղվեինք այդ գործով»,– վստահեցրեց Երիցյանը։

Այդուհանդերձ, ԿԲ նախագահի տեղակալը չհերքեց, որ դոլարը շարունակում է արժևորվել, ինչն է իր հերթին հանգեցնում է գնաճի։

«Բնականաբար, կան նաև համաշխարհային զարգացումներ. դոլարն արժևորվում է աշխարհի բոլոր վալյուտաների նկատմամբ։ Կան դրսից եկող գնաճային տարբեր ճնշումներ և այլն»,– ասաց Երիցյանը։

Հիշեցնենք` մարտի 16-ին ՀՀ Կենտրոնական բանկը որոշել էր պահպանել վերաֆինանսավորման գործող 5.5% տոկոսադրույքը: ՀՀ ԿԲ նախագահ Մարտին Գալստյանն այդ որոշումը մեկնաբանել էր նրանով, որ դեկտեմբերին գնաճի և գնաճային սպասումների արագացման պայմաններում որոշվել էր էականորեն խստացնել դրամավարկային պայմանները:

Բայց պահանջարկի պահպանվող թույլ միջավայրի պարագայում ԿԲ–ն նպատակահարմար էր գտել դեկտեմբերին սահմանված 5.5% տոկոսադրույքը թողնել անփոփոխ։

ԿԲ խորհրդի կանխատեսմամբ` վարվող դրամավարկային քաղաքականությունն ի զորու է լինելու զսպելու գնաճային ռիսկերը՝ միաժամանակ չվնասելով ներքին պահանջարկի վերականգնմանը:

Կանխատեսվում է, որ 12-ամսյա գնաճը կկայունանա ու տարեվերջին կկազմի նպատակային 4 տոկոս:

2021թ-ի փետրվարին արձանագրվել է 0.6 տոկոս գնաճ՝ 2020թ-ի փետրվարի 0.2 տոկոս գնանկման դիմաց: Արդյունքում 1 տարվա գնաճը փետրվարին հավասարվել է 5.3 տոկոսի:

Կենտրոնական բանկը բարձրացրել է վերաֆինանսավորման տոկոսադրույքը

Ըստ թեմայի

ԿԲ նախագահը պատմեց, թե ինչպես ու ինչու են թողարկվել նոր եվրապարտատոմսերը
Դոլարի թանկացումից ՀՀ քաղաքացիներն ու բիզնեսը 5-7 մլրդ դրամի վնաս են կրել. ԿԲ նախագահ
Հայաստանում բանկային ավանդների վերադարձի նոր խնդիրներ են առաջացել. ԿԲ նախագահ
թեգերը:
Հայաստան, գնաճ, Կենտրոնական բանկ (ԿԲ)

Գլխավոր թեմաներ