https://arm.sputniknews.ru/20210806/Facebook--Google--texadrvox-govazdnery-kharkven-28575878.html

Facebook-ում, Google–ում և էլեկտրոնային այլ հարթակներում տեղադրվող գովազդները կհարկվեն

Facebook-ում, Google–ում և էլեկտրոնային այլ հարթակներում տեղադրվող գովազդները կհարկվեն

Sputnik Արմենիա

Ենթադրվում է, որ պետական ՀՀ բյուջեի մուտքերն ամենաքիչը կավելանան 20 մլրդ դրամով։ 06.08.2021, Sputnik Արմենիա

2021-08-06T12:10+0400

2021-08-06T12:10+0400

2021-08-06T12:15+0400

տնտեսություն

հայաստան

համացանց

հհ կառավարություն

վահան բադասյան

վահան քերոբյան

հարկեր

https://cdn.am.sputniknews.ru/img/07e5/0a/06/33993995_0:0:1601:901_1920x0_80_0_0_33dcbcb0e83988ba6c456e763cea13b8.jpg

ԵՐԵՎԱՆ, 6 օգոստոսի – Sputnik. Հարկային օրենսգրքում ավելացվելու է էլեկտրոնային ծառայություն հասկացությունը, այսինքն` էլեկտրոնային հարթակներում տեղադրվող գովազդները կհարկվեն։ Կառավարության նիստի ժամանակ հայտարարեց ՊԵԿ նախագահ Ռուստամ Բադասյանը` ներկայացնելով «Հարկային օրենսգրքում փոփոխություններ և լրացումներ կատարելու մասին» նախագիծը։«Խոշոր օնլայն հարթակները (Facebook, Google, Booking, Netflix և այլն), եթե ծառայություններ են մատուցում ֆիզիկական անձանց` գովազդ են դնում, բնականաբար, գումար են ստանում։ Այս դեպքում այդ ընկերությունները Հայաստանին ԱԱՀ են վճարելու»,–ասաց Բադասյանը։Էկոնոմիկայի նախարար Վահան Քերոբյանն էլ հայտարարեց` նախագծի ընդունմամբ ենթադրվում է, որ պետական բյուջեի մուտքերն ամենաքիչը կավելանան 20 մլրդ դրամով։ «Օրենքի նախագծով նաև հավասար մրցակցություն կլինի տեղական և այն դրսի ընկերությունների միջև, որոնք ՀՀ–ում ծառայություններ են մատուցում։ Օրինակ` Yandex-ն ԱԱՀ չէր վճարում, իսկ GG-ն վճարում էր։ Այսինքն` օրենքն ընդունելուց հետո Yandex-ն առնվազն 1 մլրդ դրամի ԱԱՀ կվճարի։ Սա շատ լավ օրենք է, շատ ենք չարչարվել սրա վրա և կարծում եմ` շատ մեծ էֆեկտ է ունենալու»,–ասաց Քերոբյանը։Կառավարությունն ընդունեց որոշման նախագիծը։Ի՞նչ ունես–չունես. նոր հավելվածները կօգնեն հարկեր վճարել և... ՊԵԿ–ից գումար ստանալՀիշեցնենք, որ ՀՀ ֆինանսների նախարարության եկամուտների քաղաքականության և վարչարարության մեթոդաբանության վարչության պետ Օրի Ալավերդյանը Sputnik Արմենիայի հետ զրույցում հայտնել էր, որ խոշորագույն ՏՏ ընկերությունները՝ Facebook-ը և Google-ը, պատրաստ են քննարկել Հայաստանում հարկեր վճարելու հարցը։ Պետեկամուտների կոմիտեի ղեկավարությունը հանդիպում է ունեցել խոշոր տեխնոլոգիական ընկերությունների տարածաշրջանային մենեջերների հետ:

https://arm.sputniknews.ru/20210806/nikol-pashinyany-haytararec-vorn-e-linelu-noryntri-karavarutyan-arajin-aneliqy-28574511.html

2021

Լուրեր

am_HY

տնտեսություն, հայաստան, համացանց, հհ կառավարություն, վահան բադասյան, վահան քերոբյան, հարկեր