13:48 20 օգոստոսի 2017
Ուղիղ եթեր
Рейсовый автобус в Армению

Թուրքիայից Ռուսաստան` Հայաստանով

© Sputnik/ Асатур Есаянц
Էքսկլյուզիվ
Ստանալ կարճ հղումը
246 0 0

Տուրօպերատոր. Թուրքիայի տարածքում գտնվող ՌԴ որոշ քաղաքացիներ խնդիրների են բախվում հայրենիք վերադառնալիս։ Նման իրավիճակ է ստեղծվել թուրքական ՌՕՈՒ կողմից կործանված ռուսական Սու–24 ինքնաթիռի հետ կապված միջադեպից հետո։ Sputnik Արմենիան զրուցեց Երևան–Ստամբուլ ավտուբուսով վերադարձած քաղաքացիների հետ, որոնք հենց նոր էին ժամանել Երևան։

ԵՐԵՎԱՆ, 26 նոյեմբերի– Sputnik. Ճամպրուկներ, հոգնած դեմքեր, իրարացնում… Ինչ–որ մեկը եկել է դիմավորելու եղբորը, մյուսը` ծնողներին, ոմանք պարզապես  ընկերներին։ Երևան–Ստամբուլ ավտոբուսը ճանապարհին է եղել շուրջ 35 ժամ, և ինչպես հայտարարում է ավտոբուսի վարորդ Ալին, բոլոր սահմաններն անցել է առանց արգելքների։ Վարորդի խոսքերը հաստատում են ավտոբուսից իջնող Հայաստանի քաղաքացիները։


«Մենք հանգիստ եկել ենք` առանց ուշացումների։ Երբ երեկ առավոտյան դուրս եկանք  Ստամբուլից, ոչ մի խնդիր չկար»,– տպավորություններն պատմեց ուղևորներից մեկը` Մարուսյա Պետրոսյանը։ Ոմանք հրաժարվում են պատասխանել մեր հարցերին և անմիջապես վազում են իրենց դիմավորող հարազատների մոտ, մյուսները լուռ նստում են տաքսի, մի քանիսն էլ վերցնում են ուղեբեռը։

Маруся Петросян - пассажирка автобуса
© Sputnik/ Асатур Есаянц
Մարուսյա Պետրոսյան, ավտոբուսի ուղևոր


Հայաստանի զբոսաշրջային ընկերություններից մեկի մենեջերը նշում է, որ վերջին տվյալներով` Ռուսաստանի քաղաքացիները չեն կարողանում հայրենիք վերադառնալ Թուրքիայից և դիմում են զբոսաշրջային գործակալությունների ներկայացուցիչներին` խնդրելով իրենց ուղարկել հարևան երկրներ այնտեղից, որպեսզի այնտեղից ուղևորվեն Ռուսաստան։ Ռուսաստան չեն կարողանում հասնել նաև բեռնատարները։

Пассажиры прибывшие в Армению
© Sputnik/ Асатур Есаянц
Հայաստան եկած ուղևորները


«Զբոսաշրջային գործակալությունները չեն ցանկանում իրենց վրա նման պատասխանատվություն վերցնել»,– ասում է մենեջերը` ավելացնելով, որ նույնը վերաբերում է բեռնափոխադրումներին։


Sputnik Արմենիա պորտալը կապվեց Թուրքիայում Ռուսաստանի ներկայացուցչի հետ` հետաքրքրվելով, թե բախվու՞մ են արդյոք խնդիրների հետ Ռուսաստանի քաղաքացիները Թուրքիայում` Սիրիայում կործանված Սու–24–ի պատճառով հարաբերությունների սառեցման ֆոնին։ «Ռուսաստանի քաղաքացիները ներկա պահին Թուրքիայից դուրս գալու հետ կապված խնդրով չեն դիմել։ Առայժմ նման բողոքներ կամ դիմումներ չկան»,– ասաց Թուրքիայում Ռուսաստանի դեսպանատան աղբյուրը։ Այնուամենայնիվ, հայ զբոսաշրջային օպերատորը պնդում է, որ Թուրքիայում գտնվող ՌԴ քաղաքացիների շրջանում իրարանցում է նկատվում։

Рейсовый автобус в Армению
© Sputnik/ Асатур Есаянц
Դեպի Հայաստան երթուղի իրականացնող ավտոբուս


Ինչ վերաբերում է Հայաստան–Թուրքիա երթուղու դադարեցմանը, տուրօպերատորները հայտարարում են. «Նման բան չի լինի, և Երևանից հաջորդ ավտոբուսը դեպի Թուրքիա նախատեսված է շաբաթ օրը»։

Ավտոբուսի վարորդ Ալին փոխեց Երևան–Ստամբուլ ավտոբուսի դիմապակու ցուցանակը։ Նա կրկին կմեկնի Թուրքիա, ինչպես դա արել է բազմիցս։ Կրկին ու կրկին կանցնի նույն սահմանն ու կլսի ուղևորների անվերջանալի պատմություններն իրենց ուղևորությունների մասին։

Գլխավոր թեմաներ