04:11 20 օգոստոսի 2017
Ուղիղ եթեր
Արմեն Մինասյան

Խնդիրները դրվեցին, թե խորհրդարանն ինչպես դրանց լուծում կտա, ցույց կտա ժամանակը

© Личная страница в Фейсбуке
Էքսկլյուզիվ
Ստանալ կարճ հղումը
1320

Քաղաքագետ Արմեն Մինասյանը Sputnik Արմենիա ռադիոկայանի եթերում անդրադառնում է ԱԺ նախագահի ընտրությանը, կառավարությունում սպասվող փոփոխություններին։

Քաղաքագետ Արմեն Մինասյանը մեկնաբանում է ՀՀ նախագահ Սերժ Սարգսյանի վերջին ելույթի շեշտադրումները։ Զրուցեց Աննա Վարդանյանը։

-Պարոն Մինասյան, ԱԺ նախագահի ընտրությունն անսպասելի էր, նախապես խոստացված սերնդափոխություն այդպես էլ չեղավ։

— Սերնդափոխություն գոնե ԱԺ ղեկավարության մասով որևէ մեկը չէր խոստացել, փոփոխություններ խոստացել էին, բայց ոչ սերնդափոխություն։ Իսկապես անակնկալ էր, կարծում եմ, արդեն գործող ԱԺ նախագահի համար էլ անակնկալ էր։ Հավանաբար, նորընտիր ԱԺ-ին նոր լիցք հաղորդելու նպատակով էր սա արված։ Փորձեմ կանխագուշակել`Արա Բաբլոյանը, որպես ԱԺ նախագահ, չի պաշտոնավարի մինչև գործող խորհրդարանի լիազորությունների ավարտը, ինչպես մեզ մոտ եղել է միշտ։

-Կառավարությունն արդեն հրաժարական է ներկայացրել, ինչպես և պահանջվում էր։ Ի՞նչ փոփոխություններ ակնկալել։

— Արդեն իսկ հայտարարվել է, որ կառավարությունում լուրջ փոփոխություններ չեն լինի, 1-2 փոփոխություն է մեզ սպասվում, որից մեկն արդեն հայտնի է` Արփինե Հովհաննիսյանի փոփոխությունը։ Ենթադրում եմ, որ մյուսները կշարունակեն պաշտոնավարել։ Կարծում եմ`կայունությունը կպահպանվի մինչև մյուս ապրիլ ։

-Պարոն Մինասյան, կուզեի խոսեիք նախագահի վերջին ելույթի շեշտադրումների մասին։

— Նախագահի ելույթը ծավալուն էր, այն բազմաթիվ ոլորտներ էր ընդգրկում։ Սերժ Սարգսյանի ելույթի ամենակարևոր կետը հետևյալն էր` մտածել շատ ավելի երկարաժամկետ կտրվածքով, քան հնգամյա ընտրական ժամանակահատվածն է, ծրագրել շատ ավելի լայն հեռանկարով և ընթացիկ աշխատանքներն ուղղել դրանց։

Նաև անդրադարձ եղավ տարածքների համաչափ զարգացմանը, արցախյան հիմնախնդրին, կրթության, առողջապահության ոլորտներին։ Կարելի է ասել` անդրադարձ եղավ հասարակության կենսագործունեության բոլոր ոլորտներին, որոնք կյանքի որակի բարելավում են ակնկալում։ Խնդիրները դրվեցին, թե խորհրդարանն ինչպես դրանց լուծում կտա, ցույց կտա ժամանակը։

-Նախագահի խոսքում խնդիրները բավականի երկարաժամկետ կտրվածքով դրվեցին։ Սրանից կարելի՞ է ենթադրել, որ իրատեսական են այն խոսակցությունները, որ նախագահի աթոռին հրաժեշտ տալուց հետո Սերժ Սարգսյանը կհավակնի վարչապետի պաշտոնին։

— Ամեն ինչ էլ կարելի է ենթադրել։ Բայց կախված է ժամանակի ընթացքում ոչ միայն քաղաքական գործիչների ցանկությունից, այլ նաև քաղաքական պրոցեսների տրամաբանությունից ու դասավորվածությունից։ Դեռ մի տարի կա, ու ոչ մեկ չգիտի` ինչ կլինի այս մեկ տարվա ընթացքում, մանավանդ, որ ապրում ենք այնպիսի տարածաշրջանում, ուր ցանկացած կայծ կարող է վերածվել հրդեհի։ Այս պարագայում կանխատեսում անելը ճիշտ չէ, համենայնդեպս նախագահն ասել է, որ մտադիր չէ լքել քաղաքականությունը։

Գլխավոր թեմաներ

  • Անտոն Մելնիկով

    Եկատերինբուրգի բնակիչ Անտոն Մելնիկովը Հայաստանի ու հայկական մշակույթի մեծագույն երկրպագուներից է։ Այս տարի նա առաջին անգամ է եկել մեր երկիր և եղել այն վայրերում, որոնց մասին միայն գրքերում էր կարդացել։ Անտոնը հայերեն է սովորում ու ծրագրում է տեղափոխվել Երևան։

    17
  • ԵՐԵՎԱՆՈՒՄ ԿԱՅԱՑԱՎ ԳԱՐԵՋՐԻ ՉՈՐՐՈՐԴ ՓԱՌԱՏՈՆԸ

    Երևանի կենտրոնում այսօր մարդիկ շրջում են ալկոհոլային խմիչքով լցված բաժակներով։ Հայաստանի մայրաքաղաքում գարեջրի տոն է։

    32
  • Սոնա Շահգելդյանի շունը

    Կենդանիների իրավունքների պաշտպանների և կենդանասերների նախաձեռնությամբ 15 տարի առաջ օրացույցի վրա օգոստոսի 19-ն ամրագրվեց որպես «Անօթևան կենդանիների միջազգային օր»: Երգչուհի Սոնա Շահգելդյանը և դերասանուհի Տաթև Հովակիմյանը պատմում են իրենց չորքոտանի ընկերների, ինչպես նաև անօթևան կենդանիների հանդեպ հասարակական վերաբերմունքի մասին:

    25