06:44 13 դեկտեմբերի 2019
Ուղիղ եթեր
  • USD477.71
  • GBP629.96
  • EUR531.55
  • RUB7.56
Հայկ Մարության

«Կուկուռուզնիկ» և Սայաթ–Նովա. Հայկ Մարությանը պատմեց «իսկական» Երևանի մասին

© Sputnik / Asatur Yesayants
Էքսկլյուզիվ
Ստանալ կարճ հղումը
Երևանի ավագանու ընտրություններ 2018 (109)
198 0 0

Երևանի քաղաքապետի թեկնածուն կարոտում է հին քաղաքի մթնոլորտը։ Նա Երևանը համարում է ջերմ, հարազատ և իր քաղաքը։

Մի քանի ժամից Երևանի ավագանու ընտրությունների նախընտրական քարոզարշավը կավարտվի։ Արդեն սեպտեմբերի 23-ին տեղի կունենան ավագանու ընտրությունները, որը առաջադրված 12 թեկնածուներից կընտրի քաղաքապետին։ Sputnik Արմենիայի հարցերին պատասխանել է «Իմ քայլը» դաշինքի թեկնածու, դերասան Հայկ Մարությանը, որին աջակցում է վարչապետ Նիկոլ Փաշինյանը։ Զրուցել է Նանա Մարտիրոսյանը։

- Ինչո՞վ է տարբերվում Երևանն աշխարհի մյուս մայրաքաղաքներից։

Երևանը ջերմ է, հարազատ է, մերն է։ Կարելի է անվերջ ճանապարհորդել, բայց միշտ ուզում ես վերադառնալ մեր հյուրընկալ մայրաքաղաք։

- Ո՞րն է ձեր սիրելի փողոցը Երևանում։

— Երևանում շատ գեղեցիկ և սիրելի փողոցներ կան։ Բայց ինչ շատ է դուր գալիս Սայաթ-Նովա փողոցը։ Այնտեղ շատ գեղեցիկ ծառեր են պահպանվել։

- Ի՞նչն է պակասում մեր քաղաքին։

— Արդյունավետ կառավարումը։ Քաղաքն ունի դրա կարիքը։ Բոլոր գոյություն ունեցող խնդիրները սրտացավ կառավարման բացակայության հետևանք են։

- Ինչո՞վ կարելի է զբաղվել միայն Երևանում։

— Միայն Երևանում կարելի է լինել այսքան հարազատ, այսքան երևանցի ու այսքան երջանիկ։

- Ձեր կարգախոսը…

— Երևանը միայն քաղաքի կենտրոնը չէ։ Բոլորը պետք է հասկանան, որ մայրաքաղաքը ամբողջ քաղաքն է, բոլոր փողոցները և ծայրամասերը։

- Մայրաքաղաքի մասին ո՞ր երգն եք սիրում։

— Ես մտածել եմ այդ հարց մասին ու հասկացել, որ «Էրեբունի Երևան» երգն է, որը մենք միշտ միացրել ենք նախընտրական քարոզարշավի ժամանակ։

- Երևանի ո՞ր խնդիրն եք առավել խոշոր համարում։

— Քաղաքի ամենամեծ խնդիրն աղբահանությունն է։ Բայց ավելի կարևոր է մայրաքաղաքի բոլոր վարչական շրջանների համաչափ զարգացման հարցը։

- Ո՞ր շենքը կարող է լինել մայրաքաղաքի այցեքարտը։

— Հիմա այդպիսին է «Զվարթնոց» օդանավակայանը, բայց նախկինում` ԽՍՀՄ տարիներին, շատ գեղեցիկ էր Երիտասարդության պալատի շենքը, որը ժողովրդի մեջ հայտնի է «Կուկուռուզնիկ» անունով։

- Քաղաքային իշխանությունների ո՞ր սխալը կարելի է ամենալուրջը համարել։

— Երևանցիների ձայնը լսելի չի եղել, հետևաբար խնդիրները հասկանալի չեն եղել։ Ես մտադիր եմ լսել քաղաքացիների կարծիքը և հենց նրանցից իմանալ իրենց հուզող հարցերի մասին։

- Ինչպե՞ս վերադարձնել քաղաքի կոլորիտը, որը շատ երևանցիների կարծիքով վերացել է։

— Երևանցիների հետ միասին։ Ես շատ բաներ եմ կարոտում, որոնք եղել են հին Երևանում, բայց ամենից շատ` նախկին աուրան։ Այդ ամենը պետք է վերադարձնել։

թեմա:
Երևանի ավագանու ընտրություններ 2018 (109)

Ըստ թեմայի

Երևանը` վիրաբույժի ձեռքերում․ ի՞նչ «միջամտություն» է առաջարկում Զեյնալյանը
Ո՞ւմ օգտին են քվեարկելու Երևանի բնակիչները. GALLUP–ը հարցախույզ է անցկացրել
Ովքե՞ր են Երևանի քաղաքապետի ամենահարուստ ու ամենաաղքատ թեկնածուները
Ինչո՞վ կարելի է զբաղվել միայն Երևանում և ի՞նչ կապ ունի «Էսկիմոն». զրույց Զեյնալյանի հետ
թեգերը:
Հայկ Մարության, Հայաստան

Գլխավոր թեմաներ