14:51 21 հունվարի 2019
Ուղիղ եթեր
  • USD485.42
  • GBP628.13
  • EUR553.38
  • RUB7.31
Mister Model Worldwide 2018-ը Դելիում

Տաղանդավոր և ոճային. ինչպես է հայը սատարել ադրբեջանցուն գեղեցկության մրցույթի ժամանակ

© Photo : provided by Edgar Karapetyan
Էքսկլյուզիվ
Ստանալ կարճ հղումը
78010

Հայաստանի ներկայացուցիչ 23-ամյա Էդգար Կարապետյանը Mister Model Worldwide 2018 չդարձավ, սակայն Հնդկաստանից վերադարձավ արժեքավոր ձեռքբերումներով։

ԵՐԵՎԱՆ, 13 հունվարի –Sputnik, Լաուրա Սարգսյան. Հայերն ու ադրբեջանցիները կարողանում են սատարել միմյանց և նորմալ շփվել։ Համենայնդեպս, եթե խոսքը գեղեցկության մրցույթների մասին է։ Դրանում համոզվել է հայաստանցի մոդել Էդգար Կարապետյանը։

Էդգարը 23 տարեկան է, մոդելային բիզնեսում ներգրավված է 19 տարեկանից։ Զուգահեռաբար ընկերություններից մեկում գանձապահ է աշխատում։ Դեկտեմբերին նրան բախտ վիճակվեց առաջին անգամ մասնակցելու Դելիում կայանալիք Mister Model Worldwide 2018 միջազգային մրցույթին։ Գլխավոր մրցանակը նա չստացավ, սակայն Հայաստան վերադարձավ երկու անվանակարգերում` «Լավագույն տաղանդ» և «Լավագույն ոճ» տարած հաղթանակով։

Армянский участник конкурса  Mister Model Worldwide 2018 в Дели Эдгар Карапетян
© Photo : provided by Edgar Karapetyan
Էդգար Կարապետյանը Դելիում

«Ինձ վրա մեծ պատասխանատվություն էր դրված, անհանգստանում էի, բայց կարողացա հաղթահարել։ Մրցույթը բացելու պատիվն ինձ էր տրված, այսինքն` Հայաստանին։ Հատկապես հետաքրքրական էր Ադրբեջանի մասնակցի հետ ծանոթությունը», –Sputnik Արմենիային պատմեց Կարապետյանը։

Ծանոթանալիս տղաները միմյանց ձեռք սեղմեցին, Էդգարը ժպտաց։ Մրցույթներից մեկի ժամանակ այնպես ստացվեց, որ ադրբեջանցի մասնակիցը ինչ–որ սխալի պատճառով, չէր կարողանում հասկանալ, թե որ համարի ներքո պետք է բեմ դուրս գա։ Օգնության հասավ Էդգարը։

Армянский участник конкурса Mister Model Worldwide 2018 в Дели Эдгар Карапетян
© Photo : provided by Edgar Karapetyan
Էդգար Կարապետյանը` հայ թագավորների հանդերձանքով

Մրցույթը 7 օր տևեց, այդ օրերի ընթացքում Էդգարին և աշխարհի տարբեր երկրներից ժամանած ևս 25 մասնակցի շատ դժվար էր. առավոտը սկսվում էր ժամը 4-ից։  Ամեն օր ֆոտոսեսիաներ, հարցազրույցներ, մրցույթի նախապատրաստական աշխատանքներ, փորձեր. այդ ամենը շատ էր հոգնեցնում։

Հայ երիտասարդը մրցույթի ժյուրիին գերեց իր տաղանդով և ոճով։ Ցուցադրություններից մեկի համար նա ընտրել էր հայ թագավորների տարազը։

Участники конкурса Mister Model Worldwide 2018 в Дели
© Photo : provided by Edgar Karapetyan
Мister model 2018

«Լավագույն տաղանդ» անվանակարգում նրան հաղթանակ բերեց վրձնի և ներկերի շնորհիվ ստեղծած «սառցե հեքիաթը»։ Բայց ամենադժվարն Էդգարի համար եղել է հարցազրույցի փուլը, քանի որ լեզվային խոչընդոտներ կային։

«Նրանք շատ համեղ խոհանոց ունեն, դժվար կլիներ չուտելը։ Բախտս բերեց, ես ինձ չէի սահմանափակում, 185 սմ հասակ և 65 կգ քաշ ունենալու պարագայում դրա անհրաժեշտությունը չկար», – ասաց Էդգարը։

Армянский участник конкурса  Mister Model Worldwide 2018 в Дели Эдгар Карапетян
© Photo : provided by Edgar Karapetyan
Էդգար Կարապետյան

Երիտասարդը մտադիր է իր ներդրումն ունենալ մի ոլորտում, որը Հայաստանում դեռ նոր է զարգանում։

Sputnik Արմենիայի թղթակցի հետ զրույցում մրցույթի  ազգային տնօրեն Յանա Գրիգորյանն իր հերթին նշեց, որ Հայաստանի մասնակցությունը նման մրցույթներում չափազանց կարևոր է։ Շատերը նույնիսկ չգիտեն մեր երկրի մասին, իսկ նման միջոցառումները օգնում են հանրահռչակել այն։

Армянский участник конкурса Mister Model Worldwide 2018 в Дели Эдгар Карапетян
© Photo : provided by Edgar Karapetyan
Էդգար Կարապետյան

Նա նշեց, որ Էդգարը մրցույթներին մասնակցելու բազմաթիվ հրավերներ է ստացել։ Հնարավոր է, որ արդեն մի քանի ամիս անց նա կրկին մրցութային մեծ բեմ դուր գա։

Ըստ թեմայի

Հայտնի դարձավ 2018–ի ամենագեղեցիկ մոսկվացու անունը
Բերանս բաց մնաց․ աշխարհի ամենագրավիչ ձյունանուշիկները
Ռուս մոդելի հետ ամուսնացած թագավորը հրաժարվել է գահից
Գեղեցկուհի Չոպրան Տրավոլտային ստիպել է հնդկական պարել. տեսանյութ

Գլխավոր թեմաներ