02:21 28 մայիսի 2020
Ուղիղ եթեր
  • USD483.91
  • GBP597.53
  • EUR533.66
  • RUB6.83
Էքսկլյուզիվ
Ստանալ կարճ հղումը
41330

ԱՄՆ–ում բնակվող Պետրոս Դերձակյանի շունը սատկել է կարիեսի պատճառով։ Կենսաբանը ստեղծել է ոսկորի համով խոզանակ՝ օգնելու նման խնդիր ունեցող մյուս կենդանիներին։ Ստարտափների համար ֆինասավորում հայթայթող հայաստանցի մասնագետներն էլ ավելի քան մեկ միլիոն դոլար են հավաքել շների խոզանակի համար։

Էլմիրա Թևանյան, Sputnik Արմենիա

Շան նկատմամբ սերը՝ նորարար գաղափարի հիմք

Հավատարիմ ընկերոջը` բերանի խոռոչի հիվանդության պատճառով կորցնելու տխուր պատմությունը մոլեկուլային կենսաբան Պետրոս Դերձակյանին ստիպեց խոզանակ ստեղծել շների համար: Bristly-ին ստեղծելով՝ լոսանջելեսաբնակ Պետրոսը փորձեց հեշտացնել իր տան նոր բնակիչների կյանքը: Այժմ չորս շուն ունի, նոր սարքի միջոցով կենդանիներն ինքնուրույն են մաքրում ատամները: Բրիստլին և ատամի մածուկները ոսկորի համով են, և շունը հաճույքով մաքրում է ատամները: Ըստ ամերիկացի գիտնականների հետազոտության՝ շների 80 տոկոսը սատկում են հենց կարիեսի պատճառով: Ընդհանրապես, կենդանու ատամը լվանում են սովորական խոզանակով կամ տանում մասնագետի մոտ և թմրեցնելով մաքրում բերանի խոռոչը: Երկու տարբերակն էլ սթրես է թե՛ կենդանու, թե՛ տիրոջ համար:

Самая эффективная зубная щетка для собак
© Photo : Aghayan Armen / provided by Gevorg Poghosyan
Ատամի խոզանակ շների համար

Երևանցի Արտյոմն ու Սաշան խոզանակի մասին չէին լսել, բայց մեզ զրույցից հետո արդեն պատվիրել են։ Իրենց շան` երեք տարեկան սիբիրյան հասկիի ատամները շաբաթը մեկ անգամ մաքրում են սովորական խոզանակով:

«Շատ դժվար գործ է, եղբայրս բռնում է Միկիին, ես էլ խոզանակով մաքրում եմ: Շնիկը շատ է տանջվում: Լինում է, որ կծոտում է ձեռքերս»,-պատմում է Սաշան: Տղաները հայրիկի հետ տարվա մեջ մի քանի անգամ շանը տանում են ատամնաբույժի մոտ. կենդանին կարիես ունի։ Սպասում են խոզանակին. երբ կհասնի և սիրելի կենդանին կփրկվի «շան տանջանքներից»:

Самая эффективная зубная щетка для собак
© Photo : Aghayan Armen / provided by Gevorg Poghosyan
Ատամի խոզանակ շների համար

Շների համար նախատեսված ստարտափում Հայաստանից մասնակցությունը ցածր է ՝ 2-3 տոկոսի չափով։ Ներդրողների գերակշիռ մասը՝ 70 տոկոսը, ամերիկացիներ են, հատկապես, Վիրջինիա նահանգից:

Շների համար խոզանակը՝ միլիոն դոլարանոց ստարտափ

Դերձակյանի ստեղծած ստարտափը հայկական The Crowdfunding Formula-ի շնորհիվ հավաքել է մեկ միլիոն դոլար:

Ընդհանրապես, միջազգային շուկայում համաժողովրդական դրամահավաքի միջոցով հաջողված նախագիծ ունենալու համար մի քանի ամիս շարունակ նախապատրաստական աշխատանքներ են տարվում։ Եթե մարքեթինգը ճիշտ չկազմակերպվի, հնարավոր է, որ նախագիծն անգամ նվազագույն շեմը չհաղթահարի: Իսկ գրագետ աշխատանքի դեպքում գումարը կարող է մի քանի անգամ գերազանցել նախատեսվածից։

Շները խոսում են, պատմում ատամ մաքրելու ու ցավի մասին, ծաղիկ նվիրում ընկերուհուն ու մեքենայով հեռանում. Բրիսթլիի մարքեթինգային արշավն այսպիսի հոլովակներով է սկսվել։ Հայկական ընկերությունը խոզանակը միջազգային շուկա է հանել է կես տարվա ընթացքում:

«Սովորաբար ավելի քիչ է տևում նախապատրաստական ընթացքը, բայց այս դեպքում գործ ունենք շների հետ: Նախ ուսումնասիրել ենք շուկան, հասկացել, թե ով է հասցեատերը, ինչպես կարող ենք դիմել իրենց, կարևոր է նաև բրենդը, անունը, գովազդը: Ամեն մանրուքի վրա աշխատել ենք, որպեսզի ամբողջական և մրցունակ լինի ապրանքը: Քանի որ գլխավոր հերոսները շներն էին, հոլովակներ նկարելը շատ դժվար աշխատանք էր. ժամերով սպասում էինք մինչև շունը «խոսեր»», - պատմում է The Crowdfunding Formula-ի համահիմնադիր Գևորգ Պողոսյանը:

Геворг Погосян
© Photo : provided by Gevorg Poghosyan
Գևորգ Պողոսյան

Մեր երկրում նախագծերի համաժողովրդական ֆինանսավորումը նոր է զարգանում։ Մասնագետների գնահատմամբ` մարդիկ դեռևս պատրաստ չեն այս ձևաչափին. աշխարհի մի ծայրում գտնվող մարդը կարող է ներդրում անել մեկ ուրիշի` բոլորովին անծանոթ մարդու հետաքրքիր նախագծում` օգնելով կենսունակ դարձնել գաղափարը։ Մեր երկրում մարդ-մարդ գործակցությունն ու նախագծերի ֆինանասավորումը սեփական գրպանից տարածված չէ և այն քիչ տոկոս ներդրողներն էլ, ովքեր ներգրավված են, անհամբեր են եկամուտը ստանալու հարցում։

«Այս գործում «եփված» մարդիկ, օրինակ` զարգացած երկրների բնակիչները հստակ գիտակցում են, որ գումար են ներդրել ինովացիայի մեջ և ուշանալու դեպքում, ոչ թե կշտամբում են, ինչպես մեզ մոտ, այլ անհանգստանում են, հարցնում` ինչով կարող են օգնել, անգամ խորհուրդներ են տալիս»,–ասում է միջազգային հարթակում արդեն մի քանի խոշոր հաղթանակ գրանցած կազմակերպության ղեկավարը:

Գևորգն ու իր ընկերներն ունեն նախագծերի ֆինանսավորման այս ուղղությունը զարգացնելու իրենց տեսլականը. հայկական հարթակ ստեղծելու կարիք չկա, պետք է լավագույն նախագծերով ու գաղափարներով դուրս գալ միջազգային շուկա և խաղալ միջազգային հարթակում(indiegogo, kingstarter):

Ի դեպ, ըստ ամենախոշոր indiegogo հարթակի` The Crowdfunding Formula-ն աշխարհում լավագույն տասնյակում է, իսկ ընկերության երկու հաջողված նախագածերը՝ «BionicGim»-ը և «Volterman»-ը, վերջերս Լաս Վեգասում անցկացված ամենախոշոր ցուցահանդեսի ժամանակ, որին մասկցում էր 4 հազար կազմակերպություն, լավագույն 20 նախագծերի մեջ էին։ Ընդհանուր առմամբ 3 տարում 100 ստարտափի են աջակցել, որոնցից վերջին 5–ի համար 8 մլն գումար են հավաքել:

Միջազգային հարթակներում արձանագրած հաջողություններից ոգևորված Գևորգն ու ընկերներն այժմ փորձում են Հայաստանում բացել միջազգային indiegogo-ի գրասենյակ, ինչը հնարավորություն կտա հայկական բոլոր ստարտափները միանգամից հանել միջազգային շուկա:

Այս պահին The Crowdfunding Formula-ն ընտրություն կատարելու փուլում է. որոշում են, թե որ ընկերությունների քրաուդֆանդինգով զբաղվեն` էլեկտրական հեծանիվ, ողնաշարի խնդիրը լուծող սարք, թե թռչող տեսախցիկներ: Ո՞րը կլինի հաջորդ միլիոնանոց ստարտափը:

Ըստ թեմայի

«Արմաթ» լաբորատորիա. Հայաստանում երեկվա դպրոցականները կատարելագործում են ռազմատեխնիկան
Ինչպես հասցնել ամեն ինչ. գյումրեցի ուսանողը ստարտափ է բացել և ռոբոտատեխնիկա է սովորեցնում
Թեյի ստարտափ կամ ինչով են հայերն ուրախացնում ռուս տատիկներին
թեգերը:
Ամերիկայի Միացյալ Նահանգներ, Հայաստան

Գլխավոր թեմաներ