20:20 26 սեպտեմբերի 2017
Ուղիղ եթեր
Երևան-Բաթում գնացքը

Ձերբակալվել է Երևան-Թբիլիսի-Բաթում գնացքի տնօրենը

© Sputnik/ Aram Nersesyan
Պատահարներ
Ստանալ կարճ հղումը
139 0 0

Գնացքի պետն ուղեկցորդի հետ առանց ակցիզի սիգարետներ է պարբերաբար տեղափոխել Հայաստանից Վրաստան:

ԵՐԵՎԱՆ, 31 հուլիսի — Sputnik. Ձերբակալվել են Երևան-Թբիլիսի-Բաթում գնացքի պետ Գերասիմ Ավետիսյանը և ուղեկցորդ Գեղամ Կոսեմյանը՝ առանց ակցիզի սիգարետներ իրացնելու մեղադրանքով, հաղորդում է Sputnik Գրուզիան՝ հղում անելով Վրաստանի ֆինանսների նախարարության քննչական ծառայությանը:

Մեղադրյալները պարբերաբար Հայաստանից Վրաստան են տեղափոխել առանց ակցիզի սիգարետների մեծ խմբաքանակ և վաճառել դրանք Բաթում քաղաքում:

Նրանց ձերբակալել են հազար տուփ Winston և Camel տեսակի սիգարետ իրացնելու պահին: Գերատեսչությունում չեն պարզաբանում, թե նրանք որ երկրի քաղաքացիներ են:

Գերասիմ Ավետիսյանին և Գեղամ Կոսեմյանին մեղադրանք է առաջադրվել Վրաստանի քրեական օրենսգրքի 200-րդ հոդվածի 2-րդ մասով:  Նախատեսված  հոդվածը սահմանում է 4-6 տարվա ազատազրկում:

Գլխավոր թեմաներ