10:06 23 օգոստոսի 2017
Ուղիղ եթեր
102-րդ ռազմակայան

Գյումրու ռազմակայանի զինծառայողը փախուստի չի՞ դիմել

© Sputnik/ Асатур Есаянц
Պատահարներ
Ստանալ կարճ հղումը
1910

Գյումրիում տեղակայված ռուսական 102-րդ ռազմակայանի զինծառայողներից մեկը լքել է ռազմակայանի տարածքը, ռազմակայանի ծառայողները հայտնաբերել են և վերադարձրել ռազմակայանի տարածք:

ԵՐԵՎԱՆ, 3 օգոստոսի — Sputnik. ՀՀ ոստիկանության լրատվության և հասարակայնության վարչության պետ Աշոտ Ահարոնյանը Sputnik Արմենիային հայտնեց, որ զինծառայողը զորամասը լքելիս իր մոտ զենք չի ունեցել:

«Պայմանագրային զինծառայողը դուրս էր եկել տարածքից` տեսակցելու Հայաստան ժամանած հարազատներին։ Ռուսական կողմը Հայաստանի ոստիկանությանը չի դիմել։ Հենց ռուսական կողմն է հայտնաբերել զինծառայողին ու նորից զորամաս վերադարձրել: Նա զորամասը լքելիս զենք, սպառազինություն չի ունեցել»,- Sputnik Արմենիային ասաց Ահարոնյանը։

Հիշեցնենք, որ մի քանի օր առաջ ռուսական ռազմակայանում նմանօրինակ դեպք էր գրանցվել։ Գյումրիում տեղակայված ռուսական ռազմակայանն ինքնակամ լքել էր ռուս զինծառայողներից մեկը, որին ձերբակալեցին հուլիսի 28-ին Երևանում, Հանրապետության հրապարակում զբոսնելու ժամանակ: Նրա մոտ նույնպես զենք, զինամթերք և արգելված իրեր չէին հայտնաբերվել:

Գլխավոր թեմաներ