07:55 20 հունվարի 2017
Ուղիղ եթեր
Ճանապարհ

Խցանումների պատճառով տղամարդ է մահացել

© FB / Департамент автодорог
Պատահարներ
Ստանալ կարճ հղումը
132 0 0

Արդեն մի քանի օր է` Ռազմական–վրացական ճանապարհի երթևեկությունն անանցանելի է դարձել անբարենպաստ եղանակային պայմանների և ձնահոսքի պատճառով։

ԵՐԵՎԱՆ, 8 դեկտեմբերի — Sputnik. Մցխեթ-Մթիանեթ մարզի Պասանուր գյուղի մոտ, ռուս-վրացական սահման տանող մայրուղու վրա, ավտոմեքենաների կուտակումների պատճառով Ռուսաստանի քաղաքացի է մահացել։ Ինչպես հայտնում է Sputnik Գրուզիան, հղում անելով Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտի ղեկավար Գեորգի Սետուրիձեին, տղամարդը մահացել է սրտի կաթվածից։

Առատ ձյան և մերկասառույցի պատճառով Մցխեթ-Ստեփանցմինդա-Լարս ճանապարհի Մլեթա-Կոբի հատվածում սահմանափակում է սահմանվել տրանսպորտի երթևեկության համար։ Այդ պատճառով ՌԴ-ի հետ սահմանին բեռնատարեր են կուտակվել։

«Դեկտեմբերի 6-ին Ռուսաստանի քաղաքացի է մահացել։ Նա տեղափոխվել է փորձագիտական բյուրո։ Ինձ միայն դա է հայտնի», — ասել է Սետուրիձեն։

Նա նշել է, որ ավտոճանապարհներին մաքրման ինտենսիվ աշխատանքներ են ընթանում, սակայն մասնագետները ստիպված են լինում դադարեցնել այդ գործընթացը ձնահոսքի վտանգի պատճառով։ Խցանման մեջ հայտնված մեծ բեռնատարների վարորդները օգնություն են խնդրում իշխանություններից։

«Արդեն տասներորդ օրն է` այստեղ մոտավորապես 3000 ավտոմեքենա է կանգնած։ Սնունդ չունենք, գումարը վերջանում է։ Տեղացիները մթերքը շատ թանկ գներով են վաճառում։ Ոստիկանությունը չի թողնում շարժվենք, քանի որ ավտոճանապարհները մաքրված չեն», — ասել է վարորդներից մեկը` Ալեքսանդր Մաքսիմովը։

«Կազբեկ-Վերին Լարս» հսկիչ անցակետը գտնվում է ռուս-վրացական միակ ցամաքային ավտոճանապարհին, որից օգտվում են նաև Հայաստանի, Ադրբեջանի, Ուկրաինայի և մյուս երկրների քաղաքացիները։

Նյութի ռուսերեն տարբերակը

Գլխավոր թեմաներ