ԵՐԵՎԱՆ, 10 հունվարի — Sputnik. Այսօր, ժամը 12.22-ին ՀՀ ԱԻՆ տեղեկատվություն է ստացվել, որ Կոտայքի մարզի Նոր Երզնկա գյուղի 8-րդ փողոցի թիվ 14 տանը տեղի է ունեցել պայթյուն. անհրաժեշտ է փրկարարների օգնությունը: Այս մասին տեղեկացնում է ՀՀ ԱԻՆ մամուլի ծառայությունը։
Դեպքի վայր է մեկնել Արագածոտնի մարզային ճգնաժամային կառավարման կենտրոնի օպերատիվ խումբը:
Պարզվել է, որ 1947 թ. ծնված Ն. Մ.-ի տանը, հարակից օժանդակ կառույցում, պայթել է փայտի ինքնաշեն վառարան:
Տանտերը այրվածքներով հոսպիտալացվել է Արմենիա ՀԲԿ:
Պայթյունի հետևանքով վնասվել են օժանդակ կառույցի 2 դուռը և պատուհանները: