ԵՐԵՎԱՆ, 8 մայիսի — Sputnik. Մայիսի 8-ին, ժամը 07:02-ին ահազանգ է ստացվել, որ Երևան քաղաքի Ա. Բաբաջանյան փողոցի թիվ 18 շենքի բնակարաններից մեկի տարեց բնակիչը ներսից օգնություն է կանչում: Այս մասին հայտնում է ՀՀ ԱԻՆ մամուլի ծառայությունը։
Դեպքի վայր է մեկնել մեկ մարտական հաշվարկ:
Փրկարարները բացել են բնակարանի դուռը. ներսում՝ ննջասենյակի հատակին անօգնական վիճակում ընկած է եղել վատառողջ՝ 1928 թ. ծնված Կ. Ս.-ը, ում փրկարարները ցուցաբերել են համապատասխան օգնություն, իսկ շտապօգնության աշխատակիցները` առաջին բուժօգնություն:
