01:59 21 սեպտեմբերի 2017
Ուղիղ եթեր
Ճանապարահային ստիկանություն

Հայ ոստիկանները ռուսաստանցի կինոգետին վերադարձրել են գողացված գումարը

© Sputnik/ Асатур Есаянц
Պատահարներ
Ստանալ կարճ հղումը
60 0 0

Ռուս կինոգետը Երևանում էր գտնվում «Ոսկե ծիրան» միջազգային փառատոնի շրջանակում։

ԵՐԵՎԱՆ, 17 հուլիսի — Sputnik. Հայաստանի իրավապահ մարմինները ձերբակալել են մի տղամարդու, որը թալանել է ռուս կինոքննադատ, կինոգետ, Ռուսաստանի պետական ինստիտուտի կինեմատոգրաֆիայի պրոֆեսոր Արմեն Մեդվեդևին, հաղորդում է ոստիկանության մամուլի ծառայությունը:

Դեպքը տեղի է ունեցել հուլիսի 10-ին, երբ Արմեն Մեդվեդեւը, որը Հայատառն էր եկել մասնակցելու «Ոսկե ծիրան» կինոփառատոնին, մտել է դեղատան, ապա նստել Թումանյան եւ Նալբանդյան փողոցների խաչմերուկի նստարանին: Քիչ անց հասկացել է, որ կողոպտել են իրեն և դիմել է ոստիկանություն:

Դրամապանակի մեջ եղել է 1000 դոլար, ռուսական ռուբլի, վարկային քարտեր եւ փաստաթղթեր:  Կինոգետն աղոտ է հիշել կողքը նստած մարդուն, սակայն  ոստիկանների ձեռնարկած միջոցառումների արդյունքում գողը հայտնաբերվել է:

37-ամյա Գարիկ Զաքարյանը ձերբակալվել է տեղի ունեցածից մի քանի ժամ անց: Խուզարկության ժամանակ հայտնաբերել են Մեդվեդևի գողացված դրամապանակը եւ անձնական իրերը։ Զաքարյանը խոստովանել է մեղքը և նշել, որ գումարի մի մասը հասցրել էր ծախսել։

Ռուսաստանցի կինոգետը շնորհակալություն է հայտնել Հայաստանի իրավապահ մարմիններին:

Գլխավոր թեմաներ