ԵՐԵՎԱՆ, 9 օգոստոսի — Sputnik. «Արմենիա» բժշկական կենտրոնի մոտ տղամարդու դի է հայտնաբերվել։
Այս լուրը Sputnik Արմենիայի հետ զրույցում հաստատեցին ոստիկանության հասարակայնության հետ կապերի բաժնից։
Նրանց տեղեկացմամբ`երեկ` օգոստոսի 8-ին, ժամը 15։10-ին ոստիկանություն զանգահարել և հայտնել են, որ «Արմենիա» ԲԿ-ի դիագնոստիկ կենտրոնի մոտ մահացած մարդ կա։
Դեպքի վայր մեկնած խումբը հայտնաբերել է ինքնությունը չպարզված 60-65 տարեկան տղամարդու դի ։
Նշանակվել է դատաբժշկական փորձաքննություն,կատարվում է նախաքննություն։