ԵՐԵՎԱՆ, 25 սեպտեմբերի — Sputnik. Երեկ՝ սեպտեմբերի 24-ին, ավտովթար է տեղի ունեցել Երևանում: Ժամը 23:30-ի սահմաններում, Մալաթիա-Սեբաստիա վարչական շրջանի Անդրանիկի փողոցում BMW-X 6 մակնիշի ավտոմեքենայի վարորդը բախվել է ճանապարհի թույլատրելի հատվածում կայանված քարշակ ավտոմեքենայի հետնամասին: Այս մասին հայտնում է shamshyan.com-ը։
Վթարի հետևանքով տուժածներին տեղափոխել են «Աստղիկ» բժշկական կենտրոն:
Դեպքի վայրում հավաքվածներն ասել են, որ վարորդը եղել է երիտասարդ աղջիկ, 2 ուղևորը նույնպես աղջիկներ են եղել:
Ոստիկանությունը պարզում է վարորդի և վիրավորների ինքնությունը: Հիվանդանոցից հայտնել են, որ վիրավորների կյանքին վտանգ չի սպառնում:
Ըստ կայքի տեղեկությունների` վարորդին և վիրավորներին օգնության են հասել վթարի հարևանությամբ բնակվող մի քանի երիտասարդ տղաներ:
