ԵՐԵՎԱՆ, 5 հոկտեմբերի — Sputnik. Հոկտեմբերի 5-ին, ժամը 11:39-ին արտակարգ իրավիճակների նախարարությունն ահազանգ է ստացել, որ Երևան քաղաքի Թաիրով փողոցի թիվ 46 հասցեում շինարարական աշխատանքներ կատարելիս քաղաքացին երրորդ հարկի բարձրությունից ընկել է փոսը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Իսակովի պողոտայի թիվ 3/2 հասցեում, դեռևս չբացահայտված հանգամանքներում,1954 թ. ծնված Մ. Հ.-ը շինարարական աշխատանքներ իրականացնելիս ընկել է փոսը:
Փրկարարները Մ. Հ.-ին դուրս են բերել փոսից և մոտեցրել շտապօգնության ավտոմեքենային:
Տուժածը հոսպիտալացվել է «Հերացի» թիվ 1 հիվանդանոցային համալիր:
