ԵՐԵՎԱՆ, 13 հոկտեմբերի — Sputnik. Երեկ` հոկտեմբերի 12-ին, Վանաձոր քաղաքում գտնվող առանձնատներից մեկում հրդեհ էր բռնկվել, ինչի պատճառով մանկահասակ երեխա է մահացել։
Ժամը 20։45 ՀՀ ԱԻՆ Լոռու մարզային հրդեհային և տեխնիկական անվտանգության տեսչության ահազանգից հետո դեպքի վայր է մեկնել քննչական-օպերատիվ խումբը, որը դեպքի վայրում հայտնաբերվել է 2013թ.–ին ծնված երեխայի դի՝ մասնակի այրված վիճակում:
![СПУТНИК_Пожар на рынке "Синдика" в Москве - Sputnik Արմենիա](https://cdn.am.sputniknews.ru/img/897/96/8979644_0:30:1279:593_600x0_80_0_0_3a7e8ad91d40b27c948d11d54fd072b4.jpg "СПУТНИК_Пожар на рынке "Синдика" в Москве")
Կատարվել է դեպքի վայրի զննություն, անհետաձգելի դատավարական այլ գործողություններ:
ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ Վանաձորում հրդեհի հետևանքով մանկահասակ երեխայի մահվան դեպքի առթիվ:
Նախնական տվյալներով՝ հրդեհի բռնկման ժամանակ մանկահասակ երեխան տանը գտնվել է մենակ. մայրը մյուս երեք երեխաների հետ տանից բացակայել է:
ՀՀ քննչական կոմիտեի Լոռու մարզային քննչական վարչությունում նույն օրը հարուցվել է քրեական գործ՝ ՀՀ քրեական օրենսգրքի 109-րդ հոդվածի 1-ին մասով: Նշանակվել է դիակի դատաբժշկական փորձաքննություն:
Ձեռնարկվում են անհրաժեշտ միջոցառումներ՝ հրդեհի առաջացման պատճառները, երեխայի մահվան հանգամանքները պարզելու ուղղությամբ:
