ԵՐԵՎԱՆ, 15 փետրվարի — Sputnik. Այսօր՝ փետրվարի 15-ին, դաժան ու ողբերգական դեպք է տեղի ունեցել Երևանում։ Ժամը 13։50-ի սահմաններում Ոստիկանության Մաշտոցի բաժին ահազանգ է ստացվել, որ Դավիթաշենի կամրջի տակ կնոջ և աղջկա դիեր կան։
Ինչպես հայտնում է shamshyan.com-ը, ոստիկաններն ու քննիչները նշված վայրում հայտնաբերել են դիակները։ Ըստ նախնական տեղեկությունների` նրանք ինքնասպանություն են գործել։
Կայքը նշում է, որ նրանք մայր ու դուստր էին։ Մայրը 37 տարեկան էր, դուստրը՝ 9։ Երեք օր էր, որպես անհայտ կորած, որոնվում էին Ոստիկանության Մաշտոցի բաժնի կողմից։
Ոստիկանությունն ու քննչական բաժինը պարզում են մահացածների ինքնությունը։